واحد بيحب مصر

Israel & Gaza .... change dream or another Holocaust

2009-01-07T13:13:00.001+02:00

More than 660 victims most of them from civilians in Gaza, 215 child and 89 woman killed till now more than 3000 injured people.
War sound surround everything ,spread everywhere and rises above everything.
Mass & destruction everywhere in every place in Gaza, blood become more than the water.
No save place to go or to hide in from the raining fire caused by the "F16" planes.
Darkness overshadowed allover Gaza, no hospitals enough to heal thousands of injured kids and women.

On the other side, 7 victims in Israel and 90 people were injured.
Many people in Israel may face the rockets' danger anytime.

Hamas said that they are using the rockets because the Israeli refused to stop the siege, they explained that "They need us die rapidly by the war or slowly by the siege"

Israel said that they are using their planes and tanks to stop these rockets and to change the situation in Gaza.

But after 12 days of war, thousands of victims, Millions of dollars are being spent every bullet. Losses in everything ;in lives , money and rights.

I need to know when Israel will stop these rockets???
After killing all Gaza people.

Please we all should do what we can do in order to prevent children screaming and mothers' crying.

Is 700 victims not enough to let us say
STOP THE WAR!!!

سوزان مبارك عندنا .....فلنحضر الجزم

2008-12-16T23:41:00.003+02:00

استيقظنا صباح اليوم السابق ليوم عرفة

علي صوت اعمال ترميم في شارعنا المتواضع

الذي لم يرصف منذ حوالي مليون سنه

ذهبت لأري عند نزولي الي الجامعة عما يحدث فوجدت

ان هناك اعمال تصليحات وترميمات

في شارعنا العظيم والجنينة التي نطل عليها

فسألت حينها لييه بيحصل كدة هوا من امتي تصليح الشوارع وازهار الجناين

رد علي احد العمال وقال ده المحافظ جاي يفتتح الجنينة

انا رديت قلتله " الله يخربيت المحافظ واللي شغال عنده المحافظ"

الراجل قال آمين ومشيت وكنت مستغرب يعني علي اهتمامهم بالمحافظ اوي كده

المهم بعدها بيومين كانت المفاجئة الكبيرة وهي

انه في يوم غدا لكتابتي هذة التدوينة

وفي الساعة السادسة مساءً

ستشرفنا سيدة مصر الاولي -لا حفظها الله ولا رعاها-

وتفتتح مكتبة في هذة الجنينة التي لا يتعدي محيطها

0.5 كيلو متر

وحينها عرفت لماذا كان كل هذا الاهتمام بالمحافظ

المهم المطلوب منا جميعا تحضير اكبر عدد

من الجزم ماركة بوش وجمعها في بيتنا من صباح الغد

استعدادا لهذا الحدث الكبير الذي سيجعل

شارعنا ملئ بالأنوار (وفي رواية اخري الجزم) مما يدل علي حب الناس كلها

لـ ماما سوزي ... وسلملي علي الريس

يا اهلي ... مازلنا نشجعك

2008-12-13T17:46:00.004+02:00

مش نهاية المطاف يا اهلي

لن تكون هذه نهاية مسيرة القطار الاحمر

بل انها كبوة كما لكل فارس عظيم كبوة

وكان يجب علينا نحن المشجعين ان نعلم ان هذا هو الفارق بين

الكرة المصرية والعالمية

وان تخلف بلدنا الحبيب مش في الكورة بس

دا الكورة مقدور عليها

المهم احنا هنفضل اهلاوية حتي النخاع

ده الاحمر دة دمنا كلنا

ودايما الواحد لما يحس انه فقد نعمه

يبص علي اللي اقل منه وفاقدها علي طوول

والنبيه يفهم :)

ربنا يستر

2008-11-21T21:59:00.003+02:00

اكتب هذا الموضوع ليلة بداية امتحانات الميدترمات

من بكره ليوم الخميس مفروض تكون ايام بجد مش هزار

ربنا يسترها اوي التيرم ده لأنه صعب حبتين

وصاحبكم مالوش في المذاكرة اوي

بس يعني يارب تعدي سليمه زي اللي قبل كدة

ربنا بس يزيد ويبارك في الGPA

اهم حاجة بس تدعولي كتيير

وللعلم انا امتحاناتي كل يوم من 8:30 الصبح

والامتحان بيبقي ساعتين او تلاته

وبمناسبة ان اول امتحان عن التسويق

شوقوا الاعلان ده

فلنرفع القبعات يا أهلي

2008-11-17T19:20:00.003+02:00

ايه ده

ايه الجمال والحلاوة والتألق ده

الاهلي في اليابان للمره التالته

يااااااااااه حاجه تفرح اخيرا الشعب المصري الغلبان

انا قبل الماتش كنت حاطط ايدي علي قلبي

ان حسني مبارك يحضر الماتش ولا يتفرج عليه

او حتي يجيبوا سيرته

انتو عارفين بركاته برده

بس الحمد لله عدت علي خير وبقينا ابطال افريقيا

تحية لكل الجماهير المصرية عامة

والاهلوية خاصة وتحية كبيرة اوي للرجالة لعيبة الاهلي

وتحيه اد ده كله لجوزية اللي راهن وفاز بالرهان

ملحوظة : كنت متضايق من التبديلات بس هوا طلع عنده حق

واخيرا تحية كبييرة ليا طبعا علشان كنت بشجعهم :)

---------------

يللا حبه فضفضة

كاريزما اوباما وحلم التغيير المزيف

2008-11-07T14:24:00.006+02:00

هل يفعلها اوباما ويغير من سياسات امريكا العدوانية والمتسلطة

هل يستطيع من ابهر معظم شعوب العالم بكاريزمته الجبارة

ان يبهرهم ايضا بتغلبة علي دولة المؤسسات ويسبح بها عكس التيار

انا شخصلا لا اتوقع كل هذا بل وأؤكد ان اوباما

سينتهي غطاؤه اللامع بعد سنه من حكمة علي الاكثر

هذا لأن اوباما المسلم الاصل والمسيحي الديانة

لن يكون صلاح الدين الذي سينقذ العراق وافغانستان وفلسطين ودارفور و........الخ

ولن يكون الرئيس المغير الذي تتمناه بل وتنتظرة جموع الامريكان

ولكن اوباما الذي تحول من مجرد مرشح لمجلس الشيوخ

الي الرئيس 44 للولايات المتحدة الامريكية

في المؤتمر الوطني للحزب الديمقراطي الأميركي

الذي انعقد قبيل انتخابات عام 2004 الرئاسية

بفضل الكاريزما وقوة الخطاب التي يتمتع بهما

بل وان اوباما تجاوز الحدود بفضل هاتين الميزتين واصبح اول رئيس اسود

في عهد اميركا بل ومن اصول مسلمة

وخيرا اقول انني اؤومن ان اميركا دولة لا تشبه ابدا بلدنا مصر من حيث منصب الرئاسة

حيث اننا في مصر دولة اشخاص اي ان الرئيس لدية كل الصلاحيات

اما اميركا فهي دولة مؤسسات لا يتحكم بها شخص واحد بعينه

حتي لو كان رئيسا للبلاد بل يسيطر عليها النظام التي يطلق عليها "اللوبي"

مثل اللوبي اليهودي -وللعلم هذا اللوبي قد ايد اوباما رئيسا للبلاد-ز

فهل يستطيع اوباما التغلب علي كل هذه العواقب اذا افترضنا

انه يريد تغيير سياسات امريكا المتسلطة خصوصا ضد المسلمين (اعمامه)من والده
?????????????
----------------

شيخ العرب ياخال ...مين السبب في الحال

2008-10-25T16:18:00.005+02:00

قبل لما تقرأ البوست ده لازم تدخل علي اللينك ده

http://dostor.org/ar/index.php?option=com_content&task=view&id=6355&Itemid=37

وتقرأ مقال الدستور اللي فيه
--------------------------------
المهم بعد ما قرأت ان سيدنا شيخ العرب هوا اللي هيحللنا المشاكل

انا عايز اسأل اي حد علي عنوان الشيخ ده لحسن انا عندي مشاكل كتيير اوي

وبعدين ملاحظتين كدة علي السريع

هوا احنا كام واحد في مصر اساسا علشان يروح مولد 2 مليون واحد

وبعدين كمان راح وفد رسمي فيهم المحافظ ونائب وزير الاوقاف وكمان وفد من الجامعة الامريكية

يااه ده حكومتنا الجميلة اكيد كده معترفه بالهبل والتخلف ده

لا واكييد كمان كانو باعتين المندوب ده علشان سيدنا ده

يتوسطلهم انهم مايتأثروش بالازمة المالية ولا اي مصيبة من البلاوي اللي عندهم

يللا عليه العوض والله يرحمة سيدنا البدوي ده شاكلة بقاله كدة

25 سنة نايم ومكبر دماغة عن العالم وعلشان كدة كل المشاكل دي اللي احنا فيها

يللا الله يرحمة جدي كان عاقل وكان بيروح العزبة بدل المولد

وفي الختام ماحدش ينسي يقولي العنوان علشان اللي اتفقنا عليه

تحياتي

عيدنا مبارك

2008-10-03T21:44:00.003+02:00

عيدنا مبارك وعيدكم مبارك

مبارك عليكم وعلينا

متطينة مصر علينا

مولعة في كل حاجة

الاسعار والمسارح ومجلس الشعب

وقريب يا رب قصر الرئاسة

المهم ده عيد يعني نفرح ونضحك ونتفرج

علي البرغوثي بيقول ايه عن مصر

حالو يا حالو رمضان كريم يا حالو

2008-09-04T18:12:00.000+02:00

كل سنه وانتوا طيبين

ويارب السنه الجايه كلنا نبقي بنهني بعض بجد

No Comment...!!!!

2008-08-19T11:04:00.001+03:00

مسلم ام مسيحي

2008-07-03T23:49:00.006+03:00

بعد فترة جلوس معه استمرت لمدة خمسة عشر دقيقة بعد محاضرة ممله

اعلمته بأني ذاهب للصلاة فرد بكلام عادي جدا لا اكاد اذكر منه شيئا

وفي اليوم التالي جلسنا علي طاولة حوالي 5-4 اشخاص

وبعدها قمنا للصلاة الا هو لأكتشف من احد اصدقائي انه مسيحي

لم تغير هذه المعلومة من معاملتي ولا انطباعي شيئا

وبعد فترة قرأت عنوانا في الجرائد يفيد بشجار بين مسلمين ومسيحين في قرية كذا

واليوم التالي اعتداءا علي دير كذا

واليوم الماضي مقتل 3 مسيحين في حادثة الذهب الشهيرة

جلست اتأمل لقائي به التالي

هل يجب ان اتشاجر معه او يتشاجر هو معي

ليأخذ حقة وحق اخوانه في الدين

وكان اللقاء التالي طبيعيا ولم نتطرق لمثل هذة الاحداث

وبعدها جلست وحيدا افكر

هل هي فتنه طائفية حقا

ام انها فتنة مفتعلة من اناس لهم مصالح شخصية

ام ان الاسلام صعب ان يعيش بجوار المسيحية

وبعد فترة فاتحني احد الاشخاص بالموضوع

وقال هذه فتنه مفتعله

فانه لم يذكر في عهد الرسول او الخلفاء او الخلافة الاسلامية

مثل هذه الاحداث بل انه في الاثر يذكر القصة الشهيرة

بين ابن عمرو بن العاص والفتي المسيحي

حين لطمه ابن الحاكم واشتكي المسيحي لعمر بن الخطاب

فاستدعي عمر عمرو بن العاص وابنه

وحقق في هذا الامر وقال للمسيحي خــذ العصا واضرب إبن الأكرمين

واخيرا .... هل هي فتنة حقا ام انها مفتعلة؟؟؟

اللهم اني مغلوب فانتصر

2008-06-28T19:38:00.002+03:00

الحمد لله اخدت الاجازة

شكلها كدا من اولها زي الزفت

بس ربنا يعينا

--------------------

احساس بالظلم يراودني كلما فكرت في حالي

من اول ما فكرت في كلام ربنا سبحانة وتعالي

"انا عرضنا الامانة على السماوات والارض والجبال فأبين ان يحملنها واشفقن منها وحملها"
"الانسان انه كان ظلوما جهولا

مرورا بالاحساس بالظلم الذي يعيشه والدي

حتي شعوري بالظلم الواقع علي خاصة اليومين دول

من ناس قريبين مني جدا

مش عارف اعمل ايه...؟؟؟؟

بحاول اتناسي الموضوع

بس كل ما ابدأ انسي

يحصل حاجة فيها ظلم تفكرني بيه

حاولت ادعي ربنا يخلصني منه

مش عارف اتصرف ازاي

اتردد كثيرا في توسيط شخص بس حاجتين منعني

الاولي اني مش عايز احمله هم واحمل حد همي

و التانيه ان......!!!!!؟؟؟؟

واخيرا كم كان الانسان ظلوما جهولا

Exaaaaaaaaaaaamzz

2008-06-08T18:33:00.003+03:00

يوم الاحد القادم هبدأ امتحانات

وهخلص 26-6-2008

مزنوق جدا الايام دي

ربنا يستر وتعدي علي خيير

ادعولي لاني همتحن

حد وتلات وخميس اسبوعين لحد 26-6

يارب سترررررررررررك

24 مايو

2008-05-24T00:14:00.003+03:00

كان يوم عظيم من ايام البشرية

حين جاء علي هذا الكون نور عظيم

غطي نور الشمس حيث ولد مولود عظيم

يسمي سعد خيرت

وسعدت البشرية حينها بهذا الخبر العظيم

اما اليوم فيمر 18 سنة علي هذا الحدث المشهود

ومرت هذه السنين بحلوها ومرها

كأنها 100 سنة ولكنني اذكرها الان وكأنها 18 يوما

هذه هي الحياة

و good luck ISA

ياليتني

2008-05-16T23:22:00.003+03:00

دعوني احلم....

ياليتني كنت شجرة يستظل الناس بظلها حين يشتد الحر

ياليتني كنت طيرا اطير بجناحين

ياليتني كنت طفلا لا احمل هما

ياليتني كنت اسدا ملكا لغابة من المخلوقات

ياليتني كنت فأرا اتسلل بين الجحور بخفة وحرية

ياليتني كنت قردا اتسلق الاشجار بحرية

ياليتني كنت ديكا يصحو الناس علي صوتة بالفجرية

ياليتني كنت انسان اعيش في بلد يتمتع بالادمية

دعاء المواطن المصري لابنه

2008-04-08T19:39:00.003+02:00

ربـنـا يبـعـد عـنـك الأشــرار ويجعل لك فـي كـل خطـوة دولار

ويبـعـد عـنــك أولاد الإيـــه و لا يخيـبـك خـيـبـة الجـنـيـه

ويجعـل أعمالـك كلهـا حسـنـات ويكفيـك شـر شهـادة المخالـفـات

ويحـوش عنـك كــل الـشـرور ويكفيـك شـر كمـيـن الـمـرور

ويكـون لـك دايمـاً فـي الـعـون ويكفيـك شـر فاتـورة التليـفـون

ويجعـل لـك كـل النـاس حبايـب ويكفيـك شـر بتـوع الضـرايـب

ولا يجـعـل عيـالـك محـرومـة ولا يخيـبـك خيـبـة الحـكـومـة

ويجعـل أصحابـك كلهـم إخـلاص ويكفيك شـر سواقيـن الميكروبـاص

ويحميـك يابـنـي مــن إبلـيـس ويكفيك شر سواقين الجيش والبوليـس

وينـور لـك طريقـك بالبـركـات ويكفيـك شـر الحفـر والمطـبـات

بدعيلـك وبـدعـي لـكـل أولادي يكفيكـم شـر الركـود الإقتصـادي

ويكتـر فــي جيوبـكـم النقـديـة ويرحمكم من شر الدروس الخصوصية

ولا يحرمكـم مـن أكــل الـفـول ولا يخرب بيتكم بفواتيـر المحمـول

فرعون ارحم

2008-04-01T22:15:00.003+02:00

قال التلميذ الفتى لأستاذه الشيخ : لقد أصبحت اليوم ضيق الصدر، مغتم النفس ، متكدر الخاطر ، أفما لهذا الليل من آخر ؟

قال الأستاذ الشيخ لتلميذه الفتى : وما ذاك ؟

قال التلميذ الفتى لأستاذه الشيخ : قرأت اليوم في المصري اليوم أن وزير التعليم العالي (انزعج ) حين لمح فتاة منقبة بين آلاف الفتيات اللواتي جيئ بهن من كل جامعات مصر إلى احتفالية تولّت كبرها جامعة الزقازيق تحت مسمى ( ملتقى فتيات الجامعة !!) و قد أعقب معاليه ( انزعاجه ) بلوم القائمين على هذا الملتقى ، وأغلظ لهم في القول .

قال الأستاذ الشيخ لتلميذه الفتى : وما الذي أنكرت في ذلك ؟

قال التلميذ الفتى لأستاذه الشيخ : كيف ( ينزعج ) الوزير لمجرد رؤية فتاة منقبة وسط آلاف أو مئات ؟ هل يظن معاليه أن المنقبات لا يحل لهن أن يمارسن الأنشطة الطلابية التي يموّلها معاليه مما ورث من مال آبائه وأجداده ؟

لقد كان فرعون أرحم من هؤلاء .

أليس كذلك يا سيدنا ؟

قال الأستاذ الشيخ لتلميذه الفتى : بلى !! إن فرعون لما استمع إلى موسى لم يلجئه ضيق الصدر و(الانزعاج ) إلى ما يسميه مثقفوكم المستنيرون ( إقصاء الآخر ) ، بل التفت إلى مستشاريه ووزرائه مستفهما طالبا الرأي والمشورة : (قَالَ لِمَنْ حَوْلَهُ أَلا تَسْتَمِعُونَ) (الشعراء :25) فلما أظهر لهم موسى ما معه من المعجزات ،قال فرعون لوزرائه وقومه إن هذا لساحر عليم ، وطلب منهم الرأي والمساعدة ، (قَالَ لِلْمَلأِ حَوْلَهُ إِنَّ هَذَا لَسَاحِرٌ عَلِيمٌ * يُرِيدُ أَنْ يُخْرِجَكُمْ مِنْ أَرْضِكُمْ بِسِحْرِهِ فَمَاذَا تَأْمُرُونَ* قَالُوا أَرْجِهْ وَأَخَاهُ وَابْعَثْ فِي الْمَدَائِنِ حَاشِرِينَ) (الشعراء :34-36) فقد كان مستشارو فرعون وخاصته ديموقراطيين ، وكانوا لا يعرفون (إقصاء الآخر) وإنما يعرفون مبادلة الحجة بالحجة ، وقرع الدليل بالدليل ، ومواجهة الفعل برد فعل من جنسه ، مساو له في القوة ، فيما روي عن نيوتن من قوانينه الثلاثة الشهيرة .
وعلى عادة خدم النظام ومشايعيه وبلطجيته، ينتظر هؤلاء الأقزام من السادة بعض العطف ويستمطرون فتات موائدهم في صراحة صريحة، فيعدهم النظام ويمنيهم بالقرب ، ويطمعهم بالخلعة عند الغلبة وبأنواع الكرامة والتقريب (فَلَمَّا جَاءَ السَّحَرَةُ قَالُوا لِفِرْعَوْنَ أَإِنَّ لَنَا لَأَجْراً إِنْ كُنَّا نَحْنُ الْغَالِبِينَ * قَالَ نَعَمْ وَإِنَّكُمْ إِذاً لَمِنَ الْمُقَرَّبِينَ) (الشعراء / 41-42)

قال التلميذ الفتى لأستاذه الشيخ : وأغلب الظن يا سيدنا أن فرعون كان حليما .

قال الأستاذ الشيخ لتلميذه الفتى : بل لقد كان شديد الحلم ، واسع الصدر ، ألم يتبادل الرأي مع وزرائه؟ ألم يستمع إلى حوار السحرة مع موسى؟ ألم ينتظر يوم الزينة وأن يحشر الناس ضحى لينظروا في الأمر ويروا لمن تكون الغلبة ؟ ألم يطلب من موسى الدليل على صدقه ؟ ( قَالَ إِنْ كُنْتَ جِئْتَ بِآيَةٍ فَأْتِ بِهَا إِنْ كُنْتَ مِنَ الصَّادِقِينَ) (الأعراف:106) بل ، ألم يطلب منه البينة ممثلة فيما كان معروفا - في عصره – من أزياء ذوي الهيئات ؟ فتساءل عن لباس موسى مندهشا حين سمعه يدعي النبوة " فَلَوْلا أُلْقِيَ عَلَيْهِ أَسْوِرَةٌ مِنْ ذَهَبٍ أَوْ جَاءَ مَعَهُ الْمَلائِكَةُ مُقْتَرِنِينَ) (الزخرف/ 5

قال التلميذ الفتى لأستاذه الشيخ : فما الذي منع فرعون من اعتقال موسى وتقديمه لمحكمة عسكرية بتهمة محاولة قلب نظام الحكم ؟ وازدراء الدين ؟

قال الأستاذ الشيخ لتلميذه الفتى : لأن نظام الحكم ياولدي كان قائما في تلك العهود السحيقة على سيادة القانون دون غيرها .

قال التلميذ الفتى لأستاذه الشيخ : لا شك أنك تمزح يا سيدنا

قال الأستاذ الشيخ لتلميذه الفتى : أنا لا أمزح يا بني والدليل في القرآن الكريم واضح وضوح الشمس ، ألم تر إلى موسى عليه السلام وهو هارب من مصر بعد أن وكز القبطي فقضى عليه ، هرب وخاف من تطبيق القانون عليه برغم وضعه الخاص ، فهو في حكم الابن بالتبني بالقياس إلى فرعون ، لأنه نشأ في بيته ، وقالت امرأة فرعون حين جيئ به إليها : عسى أن ينفعنا أو نتخذه ولدا ( وَقَالَتِ امْرَأَتُ فِرْعَوْنَ قُرَّتُ عَيْنٍ لِي وَلَكَ لا تَقْتُلُوهُ عَسَى أَنْ يَنْفَعَنَا أَوْ نَتَّخِذَهُ وَلَداً وَهُمْ لا يَشْعُرُونَ) (القصص /9) وقد أبدى موسى تخوفه لربه سبحانه وتعالى حين كلفه الذهاب إلى فرعون ( قَالَ رَبِّ إِنِّي قَتَلْتُ مِنْهُمْ نَفْساً فَأَخَافُ أَنْ يَقْتُلُونِ) (القصص/33) ألا ترى إلى الأرواح تزهق في عصرنا بأيدي صغار الكبار دون قصاص أو دية ؟ لأن القانون في إجازة كما تعلم .

قال التلميذ الفتى لأستاذه الشيخ : فكيف كان فرعون يصنع لو شهد حفل جامعة الزقازيق ورأى فتاة منقبة بين السافرات ؟ أكان حياءه ينخدش ؟ و( ينزعج ) كما انزعج ذلك المترف المنعّم ؟

قال الأستاذ الشيخ لتلميذه الفتى : ما أظن ، فإن حاكما متألها معبودا يطلب البينة ويصبر للمواجهة ،من عدو له – في رأيه – ويستنصر عليه قومه ، ويبصّرهم بما يمثله لهم هذا العدو من خطر على عقيدتهم ، ويستجلب له من يقارعه الحجة بالحجة ، رجل كهذا ماكان لينزعج من رؤية طالبة تحشمت بقدر ما بلغها من علم ، وآمنت بأن اللباس ما كان ليحول بينها وبين الحياة الجامعية كما فهمتها ، فتاة صدقت ما يقال لها عن حرية الفكر وحرية الرأي ، وظنت أن زيها لو آذى أحدا فسيناقشها كما نوقش موسى ، وسيطالبها بالدليل كما طولب موسى ، ولكن شيئا من ذلك لم يحدث ..!!

قال التلميذ الفتى لأستاذه الشيخ : وهذا العدد الكبير من المذيعات اللواتي يحجبن عن الظهور لأنهن تحجبن ؟ما بالهن يتقاضين أجورهن ويستحللنها ولا يعملن ؟ فوزرهن عليهن أم على سادتهن ورؤسائهن ؟

قال الأستاذ الشيخ لتلميذه الفتى : ألسن تحجبن باختيارهن ؟

قال التلميذ الفتى لأستاذه الشيخ : بلى .

قال الأستاذ الشيخ لتلميذه الفتى : فماذا في حجبهن من عجب ؟

قال التلميذ الفتى لأستاذه الشيخ : صدقت يا ابن رجب . الحجب – بكسر الجيم – لمن احتجبت وجب . !! والانزعاج ممن تنقبت أعجب من العجب ...!!
د. مصطفى رجـب _ اعداد : مجموعه ريح الشـرق

كل عام وانتم بخير

2008-03-20T14:09:00.005+02:00

الهي في ذكري المولد النبوي الشريف

ابعث بدعائي للذين احبهم بمغفرة بلا عذاب

وجنة بلا حساب ودعاء مستجاب

اللهم بارك لهم فيما اعطيتهم

ولا تجعل لهم حاجة الا قضيتها لهم

وكل عام اونتم بخير

السيـــّارة المصريـــــة

2008-03-08T20:59:00.004+02:00

(T)

يرى البعض انه في حالة ازدهار سوق السيارات في مصر

يمكن أن تصبح مصر متحكمة في مواصفات السيارات التي تدخل إلي أراضيها مثل الخليج

فالشركات تقوم بعمل سيارات مكتوب عليها مواصفات خليجية لتتناسب مع طبيعتها

لو تحقق هذا الحلم بان تضع مصر مواصفات خاصة تشترط علي السيارات التي تجوب أراضيها تكون هذه هي المواصفات

*******

ا1. استبدال أكصدامات السيارات البلاستيكية بمواسير من الصلب وتصنيع جسم السيارة نفسه من الصلب عالي المقاومة حتى تخرج السيارات من الحوادث بدون أضرار

ا2. استبدال إشارات الدوران الصفراء بذراع آلي يشبه الذارع الآدمي يخرج من الشباك لتنبيه الآخرين إلى الرغبة في الالتفاف

ا3. تركيب بريمة بمقدمة كل سيارة يستطيع بها قائد السيارة ثقب السيارات التي تزاحمه وتفريغ مكان لسيارته

ا4. استبدال الكلاكس بشاتمة كهربائية تكون مزودة بذاكرة تتسع ل 32 شتيمة على الأقل يمكن إطلاق كل منها بضغطة على الزر الخاص بها في تابلوه السيارة ويمكن إعادة برمجتها بشتائم جديدة

.. هذا سيؤدى بالطبع لي رواج سوق جديدة لأحدث الشتائم، ونشاهد محلات مكتوب عليها: أحدث رنات المحمول وأحدث شتائم السيارات

ا5. تركيب سماعات الكاسيت خارج السيارة حتى يستطيع قائد السيارة إزعاج الآخرين لأقصى درجة دون أن تتأذى أذناه

*******

ا6. تركيب أعمدة هيدروليكية لكل سيارة يستطيع بها قائد السيارة رفعها وركنها فوق سيارة أخرى بدلا من الانتظار صف ثاني

ا7. جعل مكان للوحة ذات خلفية مضيئة في خلفية السيارة ليستخدمها السائق في كتابة ما يرغب على سيارته من عبارات درء الحسد أو وضع أسماك أو سمكة قرش وخلافه

ا8. تزويد السيارات بجنازير حديدية بدلا من العجلات للتعامل مع مطبات مصر

ا9. تزويد السيارات بمصابيح ليزر بجوار المصابيح الأمامية ليستطيع سائق كل سيارة إصابة سائق السيارة المقابلة بالعمى لكي يطفئ النور المبهر

ا10. استبدال زجاج السيارات بزجاج مسلح لا ينكسر تحت وطأة الأشياء العجيبة التي تلقى على السيارات من طوب وخلافه

*******

إ11. اضافة مرتبة مريحة الى كبوت السيارة والشنطة الخلفية لكي يتمكن طلبة المدارس والشباب المتحابين من الجلوس على السيارات براحتهم دون إصابتها بأضرار

ا12. تطوير جهاز إنذار السيارة بحيث لا ينطلق فقط إذا تم فتح السيارة عنوة

ولكن ينطلق أيضا إذا سرقت المساحات أو باكتات السيارة أو علامات السيارة الأمامية والخلفية أو إشارات الالتفاف

ا 13. تعديل محركات السيارات لتعمل ليس فقط مع البنزين 90 المستخدم في مصر بدلا من البنزين 95 المستخدم في كل العالم ولكن أيضا لتعمل بمية الطرشى ومياه الصرف الصحي ومياه غسيل السيارات وكل الإضافات القيمة التي تضيفها محطات البنزين في بلدنا المحروسة إلى الوقود

إ14. ضافة سلالم جانبية للسيارات ليتمكن أرباب لأسر كبيرة العدد من إركاب أفراد أسرهم على جانبي السيارة وخاصة في المصايف بدلا من وضعهم على الكبوت – مع إضافة عدد كافي من أحزمة الأمان على السلالم حتى يتحقق عنصر الأمان في السيارة

ا15. استخدام دهانات الجليز الغير قابلة للخدش والمستخدمة لتلوين السيراميك في دهان جسم السيارة الخارجي حتى لا تتحول السيارات إلى معارض فنية لأعمال طلبة المدارس من حملة المفكات

*******

إ16. اضافة شيشة كهربائية ومكان لتخزين المزاج في سيارات النقل حتى يستطيع السائق التألق في العمل

ا17. تزويد سيارات النقل بجهاز قيادة آلية يعمل تلقائيا إذا نام السائق أو انسطل ويقوم بقيادة السيارة حتى يركنها بهدوء أمام أقرب غرزه بدون إقلاق راحة السائق

إ18. الغاء كل ما هو الكتروني في السيارات وكل قطع الغيار التي لا يمكن خراطة مثلها أو لا يمكن تفكيكها حتى يستطيع الواد بلية التعامل مع السيارة

ا19. كل السيارات المصدرة إلى مصر يجب أن تكون من الأول: راشة دواخل.. حتى لا تفقد السيارة قيمتها بعد أول حادثة

*******

بهذا -فقط تتحقق فعلا مقولة: سيارة مناسبة لطبيعة الأراضي المصرية

اللهم انا نشكو اليك ضعف قوتنا ... وهواننا علي الناس

2008-03-04T21:04:00.003+02:00

شاهد الاسلام والعرب في الافلام الامريكية

فيلم البندقية العارية The Naked Gun

كمان شهر

2008-02-26T21:52:00.003+02:00

بعد شهر من دلوقتي

ممكن يكون القرار الفاصل

وممكن برضه تأجيل

هيبقي برضه يوم التلات

مش عارف هنقدر نواصل ولا لأ

بس انا حاسس انه قرار رحمة من ربنا

يارب يارب يارب

-----

اعتذار رسمي مني لسيف انا مش معاهم

لأن الظروف خليتني مش عارف اكلمه

اعذرني

غــربــة

2008-02-16T20:07:00.001+02:00

غريــب انا في داري

غريــب انا في وطني

غريــب انا في نفسي

غريــب انا في ذاتي

غريــب انا في عقلي

غريــب في فكري

غريــب في حالي

غريــب حتي في خيالي

غريــب وما ادراك ما غربتي؟

غريــب عافاك الله من غربتي

:)

2008-02-15T13:43:00.002+02:00

حد يجاوب

2008-02-09T11:42:00.000+02:00

عظيم يا شعب مصر

2008-01-24T21:25:00.000+02:00

لما اتفتحت الحدود المصرية مع غزة

الشعب المصري انقسم الي جزئين

جزء تبرع بكل ما يستطيع

فمنهم من تبرع بكيس رز

والجزء الاخر استغل الفرصة

وذهب ببضاعة كثيرة الي سيناء

ليبيعها باضعاف الاثمان الي الفلسطينين

ويكسب الارباح

"لا حول ولا قوة الا بالله"

عظيم يا شعب مصر
------------------------

وبعدين السيد الرئيس حسني مبارك

لا رعاه الله ولا حفظه

قال لن اساهم في تجويع الشعب الفلسطيني في غزة

--------------

يا حسرة ما أنت مجوع الشعب المصري اساساً

محتـااج اوي

2008-01-05T22:10:00.001+02:00

خلاص فاض الكيل بيا

مش قاااادر استحمل اكتر

خلاص كدة كفاية

Its enough

اليومين دول انا خلااااااص ماليش حل

محتاج اقرب شوية لربنا

هوا اللي بايده يطلعني من مشاكلي كلها

بس.. محتاج حد ياخدني في حضنه اوي اوي

شارك في الاستفتاء

2007-12-21T22:09:00.000+02:00

ادلي برأيك في استفتاء يجريه برنامج العاشرة مساء

ورشح القضية العسكرية للاخوان كأهم قضية رأي عام في المحاكم لعام 2007

والقضية الأولي سيكون لها حلقة خاصة

شارك برأيك هنا

www.el3ashera.com

او تكلم علي الرقم
2310

بسعر 1,50 للدقيقة

انشر

عـــيد يعني هنضحي

2007-12-18T21:41:00.001+02:00

هييييه بكره العيد

هييييه بكره هندبح

هييييه بكره هنروح السجن

هييييه بكره عجووول كتيير هتتدبح

وبهايم كتيير هنخلص منها

وبقر وخرفان

وبرده معييز

-اللي علي راسه بطحه يحسس عليها-

كل سنه وانتم طيبين وبخيير

وناس تانيه كل سنه وهما اشرار وظالمين ومفتريين

كل سنه ومصر ان شاء الله تبقي حرة ابيه

ويبقي الشريف فيها حر والمجرم مسجون

كل سنه وانت حر ياوالدي انت واخوانك الكرام

كل سنه وانتم طيبين ياعائلتي الصغيرة

وعائلتي الكبيرة المجاهدة(احلي عيلة)

كل سنه وزوار المدونة بخير وفي احسن صحة وفي سعادة

كل سنه وانا في اجازة اسبوع من الجامعه واخيرا هنام

يارب السنه اللي جايه تبقي احلي

وان شاء الله مايبقاش في ولا مبارك ولا جمال ولا سوزان ولا العادلي

ولا اي ظالم فاسد حرامي في البلد

كل سنه وانا داخل انام علشان انا في اجازه

ومفيش جامعه بكره

سلام وتصبحوا علي خيير

معلومات خطيرة تهمك....هل تعلم؟

2007-12-05T21:06:00.001+02:00

هل تعلم انك اذا التقطت صورة بالكاميرا في يوم

اكتمال القمر.. فانك سترى اشباحا .. ويمكنك ملاحظتهم

بوضوح..

- هل تعلم انك اذا اضفت بصلا الى كميه من

الصودا.. فانه سيتكون لديك غاز الاسيد السام

والقاتل..

- هل تعلم انه في احدى المحيطات البعيدة توجد

دوامة بحرية من يسقط بها يجد نفسه في الفضاء

خارج الغلاف الجوي..

- هل تعلم انك اذا اكلت فاكهة بعد شربك للقهوه

فانك ستموت فورا .... وهذه حقيقه لم يستطع العلماء

تفسيرها..

- هل تعلم انك اذا تحدثت في اليوم الواحد اكثر

من 1400 كلمة.. فانك مهدد بالاصابة بجلطه دماغية..

- هل تعلم انك اذا استلقيت على الرمال لمدة 5

ساعات متواصلة فانك ستجد نفسك

في الجهة الثانية من الكرة الارضية.. وهذه حقيقة

لكن غير مجربة حتى الان..

- هل تعلم انك اذا قلت.. زوباغ.. ريباغ..عسواج..مزهاغ.. مشحاخ..

فانك سوف تسمع أصوات اشباح

******************************

^^^^^^^^^^^^^^^^^^^^^^^^^

******************

^^^^^^^^^^^^

*********

^^^^^

**

- هل تعلم انك لو صدقت كل اللي اتكتب فوق

*****

يبقى حرام فيك نعمة العقل

يوميات واحد في الجامعة

2007-11-15T20:52:00.000+02:00

الايام دي الله ينور علي الدراسة

كل يوم الصبح الساعة 8:30 الصبح عندي محاضرة

واخلص الساعة 6

حاجه تقرف كل يوم اصحي الصبح اقول

الله يخربيت وزير التعليم العالي

وبالطريقة دي ماروحتش لوالدي

بقالي كتييير

لا سجن ولا محكمة ولا اي حاجة

حسبنا الله ونعم الوكيل في اللي ظالمينا

وفي اللي حارمني علشان التعليم

----
ان شاء الله هبقي اكتب حكاية الدراسة معايا من الأول خالص
انتوا ادعولي بس

قعدتوا ليه ... روحروا اتنيلوا

2007-11-09T21:59:00.000+02:00

لما المعلق قدم الماتش وقال

وقد قام السيد الرئيس بالحضور بنفسه والسيده قرينته

انا قلت يا دي النيله خسرانين ان شاء الله

والدستور في نفس اليوم كان كاتب

الشعب المصري وسط الغرقي

والغلاء والسحابة السوداء

ينتظر الكائن الوحيد اللي بيفرحه

راحت الست قالت ازاي لازم الشعب مايفرحش

قوم البس ياريس يللا نروح الماتش

ازاي الشعب يفرح

راحوا الاتنين حضروا وكمان جابوا نظيف وطنطاوي

يعني الموضوع كان باين من الاول

الاهلي هيخسر

وفعلا خسر الاهلي خساره مدويه

-3\1

وحزن واتنكد الشعب المصري

يارب عليك بمبارك والمدام والعيال

وانزل عليهم كوره كبيرة اد الجبل وهما نايمين النهارده

علي دماغهم علشان حرقوا دمي

ودم كل الاهلاوية

ودم كل المصريين

بمناسبة مؤتمر الحزب الوطني هذه الايام

2007-11-07T19:46:00.000+02:00

انا عيّان ... ادعولي

2007-11-01T11:11:00.001+02:00

انا اعتذر عن عدم متابعتي للتدوين الفتره الماضية

بس انا مريض اليومين دول

وادعولي لأن الدراسه شده اليومين دول

أُوْلَـئِكَ مَا كَانَ لَهُمْ أَن يَدْخُلُوهَا إِلاَّ خَآئِفِينَ

2007-10-26T10:31:00.000+02:00

عندما يصلي السيد الرئيس مبارك اطال الله في اختفاؤة

صلاة في المسجد فالجميع يعلم انه يصلي في الصف الاخير

ولكني علمت من مصدر سري تفاصيل صلاة الرئيس في مسجد شرم الشيخ

هو وشيخ الازهر

فعندما يكون الرئيس في المسجد

فانه يصلي في الصف الاول ولكن يكون خلفه حيطه

للامان ويكون صفه به الوزراء وكبار رجال الدولة

اما الصفوف الخلفية فانها تكون بها الحراس

وافراد الحرس الخاص

ويحكي احدهم انه قبل الصلاة يقال لهم ان الامام

وعادة يكون شيخ الازهر

سوف يقوم قبل ان يقوم من الركوع والسجود بالكحكحه

فيقوم الحراس من السجود او الركوع قبل ان يقوم

...سيادته خوفا عليه من

ويحكي ايضا ويقول

في مره حبيت ماسجدش بعد الامام وقلت هاشوف هيحصل ايه

فقال لقيت اللي جنبي راح ساجد وواخدني معاه بإيده

الآيه الكريمة بتتحقق بالظبط

قال تعالى "وَمَنْ أَظْلَمُ مِمَّن مَّنَعَ مَسَاجِدَ اللّهِ أَن يُذْكَرَ فِيهَا اسْمُهُ وَسَعَى فِي خَرَابِهَا أُوْلَـئِكَ مَا كَانَ لَهُمْ أَن يَدْخُلُوهَا إِلاَّ خَآئِفِينَ لهُمْ فِي الدُّنْيَا خِزْيٌ {وَلَهُمْ فِي الآخِرَةِ عَذَابٌ عَظِيمٌ "{ البقرة :114

عيد جديد وعلي ظلمك لنا يا مبارك شهيد

2007-10-13T18:02:00.000+02:00

يا كاتب التاريخ مهلا

لا تتعجل .. تأني وانظر الي هذا العيد

ولا تطوي صفحة التاريخ وتكتب

هو عيد فرح فيه الناس

لأنني لم افرح

لم افرح لأن نظام مبارك الفاسد

"حرمني من فرحتي في هذا اليوم "السعيد

لقد حرمني من ابي

ووضعه في سجن الذي هو مكاناً للمجرمين والخائنين

لا للشرفاء والابرياء

بل وان هذا النظام الفاسد المستبد

قد تمادي في ظلمه وجبروتة

اكتب ايها الكاتب في سجلات التاريخ

فهذا هو العيد الثاني علي التوالي الذي احرم فيه من ابي

والعيد السادس عشر من عمري

وذهبت اليه وانا لا اكاد افرق بين يوم العييد والايام الاخري

الا بأنني قد صليت صلاة بلا اذان

بها سبع تكبيرات

والزحام الشديد في سجن طره

هو ماجعلني افرق بينهما

الا انني علي نقيض كل من حولي من اناس يمشون في الشوارع

ويعلقون الزينات

ويفرحون ويضحكون

كنت انا حزينا بسبب حرماني من والدي

------

اللهم عليك بالنظام الفاسد الذي سرق اباءنا لنخاف

وسرق اموالنا لنجوع

حسبي الله ونعم الوكيل

ياااااااااااه ... للدرجة دي

2007-10-12T18:42:00.000+02:00

حتي مش عايزنا نتألم بصوت عالي

مش عايزنا نوصل صوتنا للناس علشان يحسوا بحالنا

ياااه .. حسبنا الله ونعم الوكيل

يضربونا ولما نقول لآه يلومونا ويحاولوا يمنعونا

"امبارح باليل كلمني محمد عادل "ميت

قالي اتفرج يا عم سعد

انا وانت وكام مدونة كمان محجوبين في مصر

انا رديت قلت بتاعة والدي

قال اه

قلت وميين حاجبها

قال اللي بيحجب هنا في مصر 3 جهات

المخابرات والرئاسة وامن الدولة

علي طول اتصلنا بالشركات بتاعة السيرفر

قالوا المشكله مش من عندهم ولا يعرفون ما مصدرها

حسبنا الله ونعم الوكيل

حجبوا السرفر بكاملة وهو يضم مدونات ومواقع اخري مثل ميت

الي هذا الحد وصل بك الفساد ايها النظام

الآن المدونات محجوبه داخل مصر ويمكنك زيارتها من خرج مصر

الرابط التالي

http://www.pagewash.com/nph-index.cgi/010110A/uggc:/=2fxuveng-ryfungre.pbz/

---

تحديث

بعض الشركات لم تحجب المدونه

وبعضها يحجبها

ويذكر ان مثل هذا الموقف حدث مع اخوان اونلاين

واخوان ويب

وكان علاء عبد الفتاح قد شرح هذه الحالة مع اخوان ويب

هنا

وتم فك الحجب بعد فتره

ومن اظلم ممن منع مساجد الله ان يذكر فيها اسمه وسعي في خرابها

2007-10-09T09:35:00.000+02:00

بالأمس فوجئت ان شيخ الازهر

قد قام بالتعديل في المناهج الازهرية

والغاء تدريس المذاهب الاربعة بالازهر

وما يسمي بالفقه المقارن

اللي كان اجانب كتييير من بلاد كتيير

بيجوا مصر هنا علشان يدرسوا المذاهب الاربعة

وبعدين كلنا نعرف ان الدولة اللي تتبع نظام المذهب الواحد هيا السعودية

والغاء تدريس المذاهب الاربعة

واختيار كل طالب مذهب ليدرسة

هذا يعني الدعوة الي التعصب

وعدم الوسطية

يعني شيخ الازهر كبر في السن

مش يبدأ في اصلاح الازهر

لأ لازم يسيب عمل ينفعه في القبر

واصلا امريكا معترضه علي نظام التعليم الازهري

بدعوي تنشئة الارهاب

وازدواجية التعليم بمصر

يعني هما بينفذو تعليماااات

وبياخدونا خطوة خطوة

وعلشان كده تلاقي المسئولين لما بيدخلوا المساجد

بيكونوا خايفين وفي حراسة مشدده

زي ما جاء في القرآن

قال تعالى "وَمَنْ أَظْلَمُ مِمَّن مَّنَعَ مَسَاجِدَ اللّهِ أَن يُذْكَرَ فِيهَا اسْمُهُ وَسَعَى فِي خَرَابِهَا أُوْلَـئِكَ مَا كَانَ لَهُمْ أَن يَدْخُلُوهَا إِلاَّ [خَآئِفِينَ لهُمْ فِي الدُّنْيَا خِزْيٌ وَلَهُمْ فِي الآخِرَةِ عَذَابٌ عَظِيمٌ " [البقرة :114

ان شاء الله الخزي قريب

وحسبنا الله ونعم الوكيل

انا محتجب

2007-10-07T18:55:00.000+02:00

اليوم قررت الاحتجاب عن التدوين

تضامنا مع رؤساء التحرير المحالين للقضاء

اجازة

2007-09-29T21:19:00.001+02:00

قررت اني آخد اجازه اسبوع

لأن الاسبوع ده هاكون

مشغول فيه جدا

ان شاء الله

المهم ان كل الزوار يدعولي جامد جدا

لاني بمر بمراحل صعبة جدا

وهي مراحل اتخاذ القرار

وتحديد طريق المستقبل

وعندي مشاكل كتيير

المهم ادعوووولي كتييير

علي ان اعود يوم

2007-10-7

ان شاء الله

في نقد الشعار

2007-09-24T20:31:00.001+02:00

في الآونة الاخيرة

وجه الكثيرون انتقادات كثيرة لجماعة الاخوان

حول الشعار الذي تستخدمة الجماعه

والمتمثل في سيفان يتوسطهما مصحف

ولكنني اري ان هذا الشعار هو الشعار الامثل

بل وإلي الآن لم اري شعارا احسن منه كي تتخذه الجماعة شعاراً لها

فهذا الشعار من وجهة نظري يحمل معان كثيرة

بل وانه يمكن ان نتخذه شعاراً في جميع الحالات

فهو يتكون من السيفان

وهما يرمزان الي المقاومة والدفاع عن النفس في حالة الحرب

اما المصحف فانه يرمز الي حالة السلم

فعندما كان المسلمون في حروبهم قديما

يرودون السلام كانوا يرفعون المصاحف علي السيوف

اما المشكلة فتكمن في انه يجب استبدال السيفين

وانا اري ان مايصلح مكانهما هو مسدسين

حيث ان السيف هذا كان يرمز الي الدفاع عن النفس قديما

اما الآن فإن المسدسات والاسلحة المتطورة هي التي حلت محل السيوف

فيجب علينا ان نعمل

UPDATE

للشعار حتي نواكب التطور والتقدم

-------

تحديث

محمد عادل كان بيعلق علي التدوينة دي

فكان بيقول سيفان يعلوهما مصحف

او مصحف يحميهما سيفان

فحبيت اقول ان الوصف ده يجسد مميزات هذا الشعار

حيث ان الاولي كما قلت توصف حالة السلم

اما الثانية فتوصف حالة الدفاع عن الاسلام والمسلمين

ملحوظة

المشكلة التي اتحدث عنها ليست مشكلة كبيرة

ولا تستدعي جدالا ونقاشا كبيرا

ولكنه مجرد اقتراح

كلام في كلام

2007-09-16T21:26:00.001+02:00

البوست ده هكتب فيه حاجات كتير غير بعض

اول حاجه

بمناسبة رمضان اكرر

كل سنه وانتو طيبين

ويارب يعود عليكوا الايام بخيير يارب

تاني حاجه

في قضية اكياس الدم بتاعة شركة هايدلينا

بتاعة هاني سرور

هوا ليه عملو كده في الراجل بتاعهم؟؟

يمكن بيضحوا بيه؟

المهم ان مفيش حد كتب واتكلم وعمل ضجة

ولا انتوا تفضلوا تقولوا هاني سرور واكياس الدم والظلم

ادي الراجل اتحبس ... شوفتوا العدل

;)

تالت حاجة

افطار الاخوان خلاص بخ

والواحد صراحة اترحم من حاجه صعبه اوي

وهيا اننا كل افطار كنت دايما اروح مع ابي

وكنت باروح معاه

اما الافطار ده كنت هاروح بصفتي ابن معتقل

واحب اقول دا نظام مابيكسفش انه يمنع الافطار

وحسبنا الله ونعم الوكيل

رابع حاجة

سمعنا كتيير عن ان الشعب المصري عنده سلبية اوي

فحبيت اجيبلكوا النكته اللي قاليتهالي اختي

بيقول مره اتنين مسئولين

واحد بيراهن علي ان الشعب المصري

لو عملتلوا ايه مش هايتحرك

والتاني بيقول لا ده هيثور لو اي حاجه مش عاجباه

فحبوا انهم يعرفوا مين اللي صح

فقالوا هيبنوا كوبري

وياخدوا من كل اللي يطلع عليه اتنين جنيه

فلاقوا ان الكوبري زحمة وماحدش بيقول تلت التلاته كام

فالراجل قال ايه ده معقوله

فرد عليه المسئول الاخر وقال انت لسه ماشوفتش حاجه

فزودوا الفلوس لخمسه جنيه

وبرضه لا حياة لمن تنادي

فقاموا قالوا طيب كل اللي هيطلع علي الكوبري

هيدفع خمسه جنيه

وهياخد علي قفاه

تاني يوم لقوا اتنين واقفين رافعين اديهم

فالمسئول قال مش قولتلك

فقال الراجل الاولاني

انا بقترح انكوا تزودوا اللي بيضربوا شوية

علشان مانقفش كتيير

والتاني قال انا عديت امبارح وماضربتش

اخيراً

انا بفكر نعمل فوازير علي النت

يعني مثلا نقول كل يوم سؤال

والناس تجاوب عليه في التعليقات

بس نوحد الاسئلة

ايه رأيكوا؟

اهلاً رمضان

2007-09-11T19:28:00.001+02:00

كل عام وانتم بخيير

واعاد الله عليكم شهر رمضان بالخير واليمن والبركات

وجعله الله شهر فرج لنا ولمصر ولأمتنا جميعا

------------------------------

اليوم : اول يوم من شهر رمضان المبارك

المكان : البيت

الميعاد : وقت الافطار

المناسبة : العيلة متجمعة علشان تفطر مع بعض

يتجمع جميع افراد العائلة للافطار

وبعد جلوس الجميع

اكتشفوا انه هناك فردا ينقصهم

هذا الفرد هو اهم فرد من الذين يجب ان يحضروا

يألهي .. الن يأتي؟!!

الم يكن حاضراً معنا في اول يوم في رمضان الماضي؟؟!!

هل سيأتي ياتري؟؟؟

هل سيفطر معنا في هذا الشهر يا تري؟؟؟

ياتري ما هو حاله الآن وهو يفطر اول يوم في رمضان بعيدا عن اهله؟؟

بل وهو في سجن اعتقل فيه ظلما وزوراً

فليتخيل كل قارئ الآن يقرأ هذه الكلمات نفسه

وهو بعيدا عن احب الناس اليه في اول ايام هذا الشهر المبارك

وهو محروم منه في حين ان كل الناس حوله ينعمون

بالفطور مع من يحبون في هذا اليوم

لا اقول لكم لا تهنئوا هذا اليوم بالفطور

ولكنني اطلب ان تتذكروا ان هناك اناس

حرموا من ابائهم وازواجهم وذويهم

يريدون دعواتكم في مثل هذا الموقف

لا تنسونا من صالح الدعاء عند الافطار

حسبنا الله ونعم الوكيل

آه واحدة ... لم تعد تكفي

2007-09-04T21:39:00.001+03:00

في هذا الزمن

لم تعد تكفي آه واحده

لم تعد تكفي الآهات

لم تستطع الآهات ان تقوم بوظيفتها

كل ما حولي يدعو الي الشعور بالعجز

اللهم اجعل لي فرجا مما انا فييه

ادعووووولي

في نقد الرئيس

2007-08-29T00:26:00.001+03:00

بما اننا نؤمن بحريه التعبير

.
ونقبل الرأي والرأي الآخر

فعذرا سيدي الرئيس

فأنا الرأي الآخر

-------
عندما تم الاعلان عن رابطه اطفال من أجل الحريه

( قلنا يا سلام دي حاجه حلوه اوي )

تم الاعلان عن موعد الانتخابات

(الله)

.
بعد ذلك اعلن ان الانتخابات كانت حره ونزيهه

(ياسلام هوا دا اللي مفتقد ينوا )

وبعد التصويت اللي كان عبر الصندوق الشفاف

فاز انس مالك

( كمان ايه الحلاوه دي )

. ولــــــــــــــــــكن ...........!!!!!

.
بعد الفوزالساحق الذي تحدث به الرئيس الي

وسائل الاعلام

.
(اشكر الناس اللي حطوا ثقتهم فيا )

(اللي هوا 5 أصوات مقابل 3 )

.
(وباوعدهم اني هعمل جاهدا عشان اكون

قد المسئوليه )
.
فأين انت ايها الرئيس لم نرك بعد الانتخابات

لا في وسائل الاعلام ولا في الواقع حتي

( خلاااااااص)

ولما قولتله ايه أول حاجه هتعملها

قالي

( مفيش انا منصب صوري بس )

( قولنا خلااااص )

لا وايه قاللي

(مسؤليتي اني انظم العيال في طوابير )

استشهد بقول عائشه حسن مالك

وقد بدي عليها علامات الحزن

بسبب ندمها علي ترشيحها لاخوها بقولها

( دا رئيس علي نفسه )

. ( انا ما بوقعش ما بينهم ولا حاجه ) .

.
أقول لك كما قال أحد الخلفاء لوليه يحاسبه

( كثر شاكوك وقل شاكروك فاما اعتدلت

واما اعتزلت ) .

.
وأقول لك ناصحا

( هات خمسه جنيه ومش هتشوف وشي تاني )

.
إحم إحم

.
احمد عصااام

------
الرساله مرفق معها ورقه بيضاء لكتابه الاستقاله

عليها

.
او ممكن تعملها ظرف وتحط فيه الخمسه جنيه

.
والسلام عليكم ورحمه الله
---------------------
شرف العمل الصحفي :ـ

.
الرساله لا تمس شخصيه انس مالك

.
ولكن نحو غد مشرق لرابطه اطفال من اجل الحريه

.
وعفوا مره اخري سيدي الرئيس

.
ولكن هذا لا يخفي حسنات الرئيس

الذي كان علي رأسها السجود لله شكرا بعد هذا

الفوز

الساحق .

ابي ... لا اريدك متألماً

2007-08-26T17:28:00.000+03:00

ابتاه لا تتألم

ابتاه انت جبل

انت رجل

في زمن قل فيه الرجال

ابتاه كن قويا

عند مرضك

كما انت دائماً

اقول اليك ابتاه

انت اقوي ولذلك اعتقلوك

حماك الله وحفظك

وشفاك

وأقول

اللهم اشفي ابي

واجعل كل الم يتألمة لعنة علي ظالمية

وانتقم منهم ياربنا

تابعوالتفاصيل

هنا

والت ديزني ... والتسلية البريئه

2007-08-25T10:14:00.000+03:00

الفيلم ده يوضح اهداف شركة والت ديزني الخبيثه

تااااااااااج

2007-08-20T18:07:00.000+03:00

التاج ده جالي من حبيبي محمد النجار

صاحب مدونة واعدو

بسم الله

اسم مدونتك؟؟

الصراحة انا عندي مدونتين

واحد بيحب مصر .. ودي فيها ارائي الشخصية

و رجل حر رغم القيود .. ودي للدفاع عن ابي وهي تعبر عن اسرتي

لماذا اخترته ..وماهي نيتك من وراء اختياره؟

والله لما فكرت اعمل مدونة شخصيه فكرت كتيير

وبعدين لقيت ان اللي بيعمله النظام معانا دلوقتي

من ظلم وفساد ده كله علشان يخلينا نكره مصر

فقررت اني اسمي المدونة هذا الاسم

وعلي العموم في البوست ده موضح النقطه اوي

ليه الناس .. مابتحبش مصر؟؟

هل فكرت في إغلاق مدونتك؟ والسبب؟

لا لم افكر في هذه المدونة .. بل علي العكس

فانا ازداد حماسا من حين لآخر

صورتك في المدونة ورمزيتها ؟؟

صورتي هي صوره لوالدي الذي افتقده بشده

ومكتوب عليها الحريه للشرفاء

وهي ترمز لكل المعتقلين الشرفاء وعلي رأسهم ابي

لماذا دخلت عالم التدوين من الاساس؟

والله عندما سمعت بعد اعتقال ابي عن مدونة تدعي انسي

وعند زيارتي لها اعجبتني كثيرا

فتحمست للفكره وقررت التدوين للدفاع عن والدي

التعليقات بالنسبه لك ,اهميتها؟

تمثل التعليقات لي اهم شئ في المدونة

لأنها تعبر لي عن مدي تفاعل القرآء

وعن مدي وقوفهم ضدي او معي

احلى بوست كتبته ...ضع اللينك , ثم اذكر لماذا؟

والله انا المدونة دي ماعليهاش بوستات كتيير

بس تقريبا هوا البوست ده احسنهم

فرحك مش بكره يا ساره

لان اخواتي قالو لي حلو اوي

أفضل بوست قرأته؟ وضع لينكه؟

هوا بوست اتكتب عن ابي

وكان من رجب الباسل

الشاطر رجل ضد التيار

أفضل مدونة قرأتها؟

مدونات كتيير

علي رأسهم انسي

و انا اخوان

ويللا مش مهم

ومش هيبطل

والفجريه

هتعيش وتتحدي احزانها

تهمتها مصريه

هيا كده

يتنفس بصعوبة

واحد من الناس

غريب

لسانها مولوتوفي

ومعلش علي التطويل

أسوأ بوست أسوأ مدون؟

بلاش نخسر حد

بس مدون كبيير وبيشتم الفاظ خارجه اوي

ربنا يهديه

هيحصل ايه لإيميلك لما تموت ؟؟

بفكر ادي لحد الباسورد ولما امووت

يبعت لكل اللي عندي يقول انا مت

ربنا يرحمه

اديت الباسورد لمين ؟

انا عامل باسورد واحد للمدونة والميل

وكنت اديته لاخواتي وعبد الرحمن الحسيني

وعبد الله صادق

وطبعا انسي

كانت إيه طبيعة علاقتك بيه؟

اخواتي

علاقة من بعييد لبعييد

وعبدالله وعبد الرحمن وانسي

دول بجد اكتر من اخوات

اسمك؟

سؤال غريب بس لا مانع عندي

سعد محمد خيرت سعد عبد اللطيف الشاطر

ناقص نتصاحب كمان

المشهور بيه وسط اصحابك؟

سعدوووون

شخصيتك نوعها إيه؟

يعني اسألو حد غيري

السفر بالنسبة لك؟

بحب السفر جدا

ومن احلي الحاجات في حيايتي اني اسافر اتفسح

وقت فراغك بتعمل فيه إيه؟

تقريبا كله علي النت

المود بتاعك؟

ساعات وبذات الايام دي

خنقه غريبه

بس العادي

فريش

الصفات اللي أخدتها من بابا؟

الذكاء وان مخي نضييف

-زي مابيقولوا-

الصفات اللي أخدتها من ماما؟

احب الحاجه تكون علي سنجة عشره

اكتر ست حاجات بكرهها؟

-الحزب الوطني - الريس- ابنه جمال-مراته تيته سوزان-الظلم-لما النت يقطع-

اكتر ست حاجات بحبها؟

ابي

امي

الانترنت

السفر

الفسح

الكوره والاهلي

الانترنت بالنسبه لك؟

حياتي وعالمي الخاص

لو اتمنعت منه امووت

امرره لمين ؟

مش لحد علشان مايبقاش مقلب زي اللي حصلي

بس هعمل تاج وابعته لشوية ناس

اكلتك المفضلة؟

مش عارف

مش حاجه واحده

بس انا ماليش في الاكل البيتي اوي

ليا في التيك اواي والكلام ده

الشغل بيمثلك ايه؟

المستقبل والتدريب عليه مفيد جدا

تقريبا خلاص كده

يللا سلام

لماذا لا ننضم للحزب الوطني؟؟؟

2007-08-13T16:53:00.000+03:00

ليه احنا كلنا منبقاش حزب وطني

اكييد ناس كتيير لما تقرأ التدوينه دي هتحس اني

بدأت اخرف

بس انا ليا وجهة نظر

اولا الحزب الوطني هوا الحزب الحاكم

وبعدين ليه صلاحيات الحكومه

مبتديهاش لحد تاني

زي انه يعمل معسكرات

-خد في بالك طلبة الهانوفيل وقالوا ده معسكر-

يعمل مؤتمرات

وبعدين لو حد قرأ اهداف الحزب

هيلاقيها كلها تمام

يعني مافيش اهداف

بتشجع الفساد والظلم وكده

بس فيه مشكله بسيطه

ان الناس اللي في الحزب نفسهم هما اللي مش كويسين

وانة زي ما الشيخ وجدي غنيم قال

انا وطني اكتر من اي واحد في الحزب الوطني

في النهاية

ماله الحزب الوطني

ده مفروض حزب الوطنيين

والشرفاء

-ده المفرووض -

يعني اتفقنا ان الحزب حزب كويس

بس المشكله في الناس اللي فيه

طيب

خلاص

ندخله احنا علشان نغير فيه

ويبقي فيه ناس كويسين

عبسلام يا عبسلام ... قولي اخدت في جيبك كااام؟؟

2007-08-09T00:18:00.000+03:00

ايه ... عادل عبد السلام

اه ... هوا اللي حكم علينا بالتحفظ علي الاموال

ايه... بتقول مرتشي

اه ...بيقولك اتفضح دلوقتي

ياه ... ربنا مابيسبش حد ابدا

ولسه اللي جايين .... اكتر فضايح

----------------

انا مش هعلق ...هاسيبكوا تعلقوا

وجابتها العاشره مساء اليوم اللي بعده... تغطية فرح ساره

2007-08-07T23:45:00.000+03:00

حاجة تخنق

2007-08-05T00:26:00.000+03:00

يعني قعدت اتفرجت علي العاشره مساء كلها

والمذيعة قالت معانا اليوم كتب كتاب بنت المهندس خيرت

وفضلت مستني البرنامج كله

لحد الساعة 12,30

وفي الاخر البرنامج خلص من غير مايجيبوا حاجه

المهم

في حاجه كنت عايز اقولها

البرنامج كانوا مستضفيين طلعت السادات

اولا بنقولوا الف الف مبرووك علي الخروج

وعقبالنا يارب

تاني حاجه

الراجل كان بيقول انه لو مجلس الشعب

كله قال حاجه

-المجلس بنوابه والفراشين والحراس وحتي الناس اللي ماشيه في الشارع-

والريس قال حاجه تانيه

كلام الريس اللي هيمشي

فراح البرنامج قطع

-ايه الحياديه دي يا عاشره مساء-

تالت حاجه

الراجل بيقول انه كان في السجن الحربي

وقال ان السجن كان فيه دش وتليفيزيون

وتليفون ميناتل

وصالة جيم

-ايه الحلاوه دي-

امال اشمعني احنا؟؟؟؟

فرحك مش بكرة يا سارة

2007-07-31T23:04:00.000+03:00

ساره

اهديك اجمل باقات الورود في يوم زفافك

انشدلك احلي اناشيد الافراح

احمل اليك اجمل التهاني والتبريكات

اقول كما علمنا الرسول صلي الله عليه وسلم

بارك الله لكي وبارك عليكي وجمع بينك وبين عباده علي خير

ساره

فرحك مش يوم الاربع

فرحك يوم لما ابي يخرج

لما ربنا ينصره

لما يصبح حرا طليقا

لما ميبقاش في مخبر وسجان وظالم

فرحك

لما مصر تبقي حره ابيه

لما يختفي فيها الفساد والظلم والاستبداد

لما يفكوا التحفظ علي اموال ابي

لما يصبح كل شريف حر آمن علي نفسه وماله وولده

ساعتها

هنعملك اكبر فرح

احلي فرح

يوم فرحك ساعتها كل المصريين الشرفاء هيبقوا طايريين من الفرحه

مش انتي بس يا ساره

وبقولك

ربنا معاكي يوم فرحك

ربنا يقويكي

لانه يوم صعب اكييد

الظرووف فيه صعبه

فرح وسط بحر من الدموع

فرح من رحم المحنه

ربنا يرجعلك اباكي بكل سلامه وخير

ويتمملك علي الف خير

واخيرا

الف مبرووووووووووووووووووووووك

انا مكتئب

2007-07-27T11:44:00.000+03:00

مش عارف انا ايه اللي حاصلي اليومين دول

حاجه غريبه

واحساس غريب

حاسس علي طول اني مخنوق

مضايق

مش عارف من ايه

ايه الجديد اللي يخليني كده

حاسس ان الدنيا ضيقه من حوليا

وبحاول انسي الموضوع

بس

مش بقدر

حاسس ان فيه حاجه خانقاني في رقبتي

لما ببقي مشغول بنسي الموضوع

ولما افضي ولو لدقيقتين

احس بالاكتئاب

المفروض ان فرح اختي يوم الاربع اللي جاي

ومفروض ابقي فرحان

بس مش عارف ليه مش فرحان

واخيرااا

انا مخنووووووووووووووووووووووووووووق

ادعولي بقي

---------------------

تحديث

لازم تتفرجوا علي الفيديو ده

علشان ده مناسب للتدوينه دي

مبارك يا حبيب الملايين

2007-07-22T17:32:00.000+03:00

سؤال بسيط ... محتاج اجابه

مين بيحب الراجل ده؟؟؟؟؟

ومين مابيحبهوش؟؟؟؟؟؟

ليه يا جدعان هوا عملكوا ايه؟؟؟

لا تدوين ... اذا لا حياة

2007-07-21T00:52:00.000+03:00

لما دخلت المدونة

لقيت رسالة تسد النفس

بتقول اني مينفعش

انشر اي بوست جديد

نسيتني كنت عاوز اقول ايه

حاجه تخنق

وبعدين

بعد يومين

يقولك اسفيين

بأمكانك الآن نشر بوستات جديده

المهم انها مشكله تخلي الواحد
يحس بقيمة التدوين

لما يتحرم منه

وفي النهاية افتقدتكم

وافتقدت تعليقاتكم الجميله

رباه .. بك استجير

2007-07-15T08:38:00.000+03:00

رباه بك استجير

ومن يجير المستجير سواك

فاجر ضعيفاً يحتمي بحماك

اللهم عليك بكل من له يد اليوم في ايذائنا

وائيذاء اهلينا المعتقلين

انتوا عارفين بنقف في الشمس قد ايه

عارفين اهالينا بيقعدوا في قفص لا يصلح للآدميين

وحرارة الجو تملأ المكان

وبنبقي واقفين من الساعه 8 صباحاً

وندخل علي 1 او 2

لو دخلونا

هذه هي المحكمة العسكريه التي يحاكم فيها

خيرت الشاطر ... رجل الاعمال

حسن مالك ... رجل الاعمال

خالد عوده ... العالم الجيولوجي الدولي

اساتذة الجامعات

واصلاحيون

لاتهم قالوا لا للفساد

يحاكمون عسكيرياً

تضامنوا معنا

ولو بدعائكم

ايه هيا الناس فيين؟؟

2007-07-10T00:17:00.000+03:00

انا عايز اعرف هوا الناس راحت فيين؟؟

كنا زمان بنلاقي ناس كتيير بتدون

ناس كتيير بتعلق علي التدوينات

اما دلوقتي

كل لما ادخل علي مدونة الاقي محدش حدث من اكتر من اسبوع

بنسيب التدوينه بالايام

بنلاقي تعليق ولا اتنين

هوا الناس طغي عليها جانب السلبيه كمان في التدوين؟؟

لا يا جماعة صحصحوا شويا معانا

كل واحد يبقي كده ايجابي

مش يقرأ وسلامو عليكوا

واللي عنده مدونات ياريت يفيدنا ومايسبناش نتحرم منه كتيير

والمهم ده رأيي

صحيت من النوم وقلت .. : ابي هايخرج يوم الاربع

2007-07-07T16:30:00.000+03:00

انتوا عارفين ان ابي كان معتقل في قضية سلسبيل عام 92

كنت انا ساعتها عندي سنتين

يعني لما وعيت علي وش الدنيا

وانا ناشئ وسط صراع سياسي بين طرفين

طرف فيهم تربطني به علاقه قوية

والطرف الآخر بتربطني به خصومة كبيره

الطرف الاول دايما مظلوم لانه لا يملك الوسائل التي يستطيع صد هجوم الطرف الآخر

ويحكي لي ابي فك الله اسره

اني كنت دائما من صغري اهتم بالظروف السياسيه المحيطه

حتي اني في يوم من الايام في قضية سلسبيل

كنت مريضا

وكنت نائما وكان عندنا عرض يوم الاربع

بس انا ماكنتش اعرف

وصحيت من النوم وقلتلهم في البيت انتوا عارفين

ابي هايخرج يوم الاربع

وفعلا هوا خرج يوم الاربع

ومن هنا ايها السادة

اصبح عمري الان 17 سنه

مرت 15 سنه

تمت فيها هذه الخصومه

والهجوم علي الطرف الاول

اكثر من مره

واصبحت اهتم بالسياسه

وانا مازلت في مقتبل عمر الشباب

و اصبحت من الذين تحتل السياسة الجانب الاكبر في حياتهم اليوميه

واحنا بنقول

للظالمين

زي مانتوا تريدون افضل الاشياء لابنائكم

نحن ابناء يريد اباءنا افضل شئ لنا

وفي الآخر حسبنا الله ونعم الوكيل

ليه الناس ... مابتحبش مصر؟؟؟

2007-07-06T15:37:00.001+03:00

انا شخصيا بحب مصر

رغم ان هناك اشياء كثيرة تجعلني لا احبها

بس لازم نعرف ان الناس اللي بتعمل الحاجات الي بتكرهك في بلدك

غايتهم الأساسية ان يجعلونا نكره بلدنا الحبيب

يعني مثلا ايام الرسول لما كان في مكه

كان الكفار بيعملوا الي بيعملوه من اضطهاد وتعذيب للمسلمين وللرسول

ولما الرسول امر من الله سبحانه وتعالي ان يهاجر

ترك مكه وهو يقول

" والله إنك لأحب أرض الله إلى ّ ولولا أن قومك أخرجوني ما خرجت "

يعني احنا لازم نقتدي بالرسول

يحصل فينا الي يحصل

تضطهدنا الحكومه

ويحرمونا من ابآئنا واهالينا

بس بعد ده كله

بنحبك يا مصر

وانتوا هتحبوها برضه بس لازم نستحمل

ولا ايه؟؟؟

موقع نافذة مصر يكتب عن انطلاق ........ مدونة واحد بيحب مصر

2007-07-05T22:04:00.000+03:00

http://www.egyptwindow.net/

المقال علي الموقع

'' واحد بيحب مصر '' ... مدونة جديدة لآل الشاطر ...

05 / 07 / 2007

واحد بيحب مصر ... مولود جديد فى عالم مدونات النت الإخوانية ... وصاحب المدونة الجديدة هو " سعد خيرت الشاطر " ابن المهندس خيرت الشاطر النائب الثانى للمرشد العام للإخوان المسلمين والمعتقل على ذمة قضية المحاكمات العسكرية ..
وتأتى هذه المدونة ضمن سلسلة مدونات أبناء الإخوان المعتقلين ضمن المحاكمات العسكرية يسجلون من خلالها ما يلاقونها من ظلم وعنت حكومة أمن الطوارئ التى تصادر أموالهم وتنتهك أمنهم باعتقال ذويهم من المصلحين والشرفاء الذين لم تدنس أيديهم بدماء المصريين ولا أموالهم التى دفعوها ليغرقوا بعبارة أو يموتوا بفشل كلوى أو ......
وهى المدونة الثانية لآل الشاطر على النت حيث توجد مدونة " حر رغم القيود " والتى يوجد رابطها على الصفحة الرئيسية لنافذة مصر :
http://www.khirat-elshater.blogspot.com/

مدونات تفضح الظالمين
وتلاقى هذه المحاولات الإخوانية من خلال المدونات لفضح الظلم والظالمين نجاحاً وإقبالاً هائلاً فى مجال الصحافة والإعلام حتى أن فضائية مثل الجزيرة تشيد فى أكثر من مرة وتعقد العديد من الندوات والبرامج النقاشية لمناقشة هذه الظاهرة ونجاحها .
وقد انتشرت المدونات كوسيلة للتعبير فى العامين الأخيرين وكان من أبرزها خلاف مدونات أبناء المعتقلين : مدونة إنسى والتى أسست وفضحت المحاكمات العسكرية بشكل مبهر وناجح وكذلك مدونة الصحفى الإخوانى عبد المنعم محمود مراسل قناة الحرة بمصر والمشهورة باسم " أنا إخوان " والتى اعتقل بسبب آرائه الجريئة التى يسجلها من خلالها ...
كما تشتهر مدونات غير الإخوان من المعارضين لسياسة الحكومة المصرية الظالمة ولا سيما التى تستخدم المواد التفاعلية والمرئيات لفضح النظام وعلى رأسها مدونة وائل عباس والتى اشتهرت فى مجال فضح كليبات التعذيب بأقسام البوليس ، وكذلك مدونة علاء ومنال والتى اعتقل صاحبها بسببها وفيها الكثير من الأراء المعارضة .
وعنوان مدونة سعد خيرت الشاطر هو :
http://www.ibn-elshater.blogspot.com/

الاهلي كسب ... عقبالك ياشعب

2007-07-04T22:21:00.000+03:00

الاهلي كسب في يوم كان كل الشعب بيتفرج عليه

بمختلف انتماءاته السياسه

جمعهم حبهم لكرة القدم

وتشجيعهم لقطبي كرة القدم المصريه

بس في حاجه لازم الناس تعرفها

وهي ان

الاهلي والزمالك في تنافسهم علي الكأس

يعتبر تنافساً شريفا

ويسمي صراعاً تنافسياً

ومعناه ان يكون الطرفين في الصراع متكافئان

اي مثلا

الاهلي له جهاز فني محترف

ولاعبين محترفين

والزمالك يملك ايضا هو الاخر يملك نفس المقومات التي يمتلكها الاهلي

وبالتالي فاننا قبل بداية المباراة لا نستطيع ان نحكم من الفائز ومن الخاسر

وبعد المباراة فاننا نكن التقدير والاحترام للطرفين الخاسر والفائز

اما عندما تذهب للتنافس الصفري

وهو ان يكون احد الطرفين يملك جميع الوسائل التي يستطيع بها تدمير الطرف الاخر

من جيش وشرطه وامن مركزي زقوات لمكافحة الشعب"الطرف الاخر" ..... عندها

قبل بداية المباراة نقول ان هناك فائز يجب ان يفوز ولكنه فوز غير مشروع

ولا يستحق الطرف الفائز اي تقدير وتحيه

وهذا مايفعله النظام في مصر

علي عكس ماتفعله الانديه الكرويه

واخيرا مبروك للاهلي

ونحيي الزمالك

ونحيي شعب مصر

ونقول عقبالك ياشعب تكسب زي الاهلي في صراع تنافسي

وعايزينكوا ساعتها كله يشجع

ومتنسوش التدوينه دي

....................................

انا نقلت لكم تعليق فاروتا المصري علي التدوينه دي

وهو

الاهلى يفوز على الزمالك

يامصر يابلدى عقبالك

لما يفرجوا عن الشاطر ومالك

لما يفرجوا عن ولادك وعيالك

لما يبطلوا سرقه فى اموالك

لما يخلونا نشوف احوالك

ونرجعلك تانى جمالك

ونشيل على اكتافنا احمالك

فاروتا عيل يامصر من عيالك

نفسه يشيل عنك يامصر احمالك

ويهد بيها يابلدى جبالك

........

شكراً لفاروتا المصري

الشاعر الجامد

الي كل حكام الامم

2007-07-03T20:37:00.000+03:00

عندما تكون والي علي خلق من خلق الله

ويستخلفك الله في ارضه

ويسترعيك رعيه

عندها يجب عليك ان تراعي الله في هؤلاء الخلق

هؤلاء الرعيه

فقد قال رسول الله صلي الله عليه وسلم :" ما من عبد يسترعيه الله رعية ثم يموت

يوم يموت وهو غاش لرعيته

إلا حرم الله عليه الجنة"

فما بالك بوالي

ظلم ملايين الناس

جوع ملاين الاطفال

حرم الآف الابناء من ابآئهم ظلماً وقهراً

سرق آلاف الملايين من الاموال

شرد الاطفال والنساء

وقتل بعض الناس

يدعوا عليه الناس في كل صباح ومساء

فهل يرحمه الله؟؟؟

ماذا تقولون؟؟؟؟؟

لماذا ادون؟؟؟

2007-07-03T15:24:00.000+03:00

لقد انتشر التدوين الان في مصر والعالم العربي

بطريقه كبيره

واصبح هو الوسيله التي يعبر بها الناس

عن ارآئهم وافكارهم

مما جعلنا جميعا نشر بقيمة التدوين واهميته

واصبحنا نهتم بالتدوين كقضيه محوريه

في حياتنا اليوميه

واصبح بعضنا يحتل التدوين الشئ الاول في حياته

قررت ان انشئ هذه المدونة لاعبر فيها

عن رأيي الشخصي عما يحدث حولي من كل

الاحداث

ونبدأ علي بركة الله

وبسم الله الرحمن الرحيم

قبل اي حاجه

2007-06-27T17:39:00.000+03:00

في حاجات دائما من الواجب علينا ان نقولها

والواحد بيبقي نفسه يقول حاجات كتيير بس مش عارف

بيبقي نفسي اوصل صوتي لناس كتييير

نفسي كل الناس تعرف الحقيقه

انا لازم اقول اني كنت لما اسمع اسم مدونة كنت بقول يعني ايه مدونه

ومره شفت برنامج علي الجزيره عن المدوننين قلت حاجه مش مهمه انها تيجي علي الجزيره

بس لما دخلت التدوين وتعمقت فيه قلت لازم مش الجزيره بس اللي تجيب عن التدوين بل كل قنوات العالم

اهم حاجه الفضل يعود لله

ثم لشخصين لا انكر فضلهم في تعريفي بالتدوين وكيفية التعالمل معه

هم:-

عبد المنعم محمود اللي شجعني كتيير لما عملت مدونة والدي وقدملي نصائح عن التدوين

و المدونة العظيمه انسي الذي تبناني منذ بداية الفكره وقدم لي كل المساعده