ابي ان كنت في اعين الناس اسيراً ... فأنت الحر في عيني

المدونة تعبر عن رأيي الشخصي
سعد الشاطر

Wednesday, August 29, 2007

في نقد الرئيس


.
بما اننا نؤمن بحريه التعبير

.
ونقبل الرأي والرأي الآخر

.

فعذرا سيدي الرئيس

.

فأنا الرأي الآخر

-------
عندما تم الاعلان عن رابطه اطفال من أجل الحريه

.

( قلنا يا سلام دي حاجه حلوه اوي )

.

تم الاعلان عن موعد الانتخابات

.

(الله)

.
بعد ذلك اعلن ان الانتخابات كانت حره ونزيهه

.

(ياسلام هوا دا اللي مفتقد ينوا )


وبعد التصويت اللي كان عبر الصندوق الشفاف
.
فاز انس مالك

.

( كمان ايه الحلاوه دي )

.

. ولــــــــــــــــــكن ...........!!!!!

.
بعد الفوزالساحق الذي تحدث به الرئيس الي
.
وسائل الاعلام

.
(اشكر الناس اللي حطوا ثقتهم فيا )

.

(اللي هوا 5 أصوات مقابل 3 )

.
(وباوعدهم اني هعمل جاهدا عشان اكون
.
قد المسئوليه )
.
فأين انت ايها الرئيس لم نرك بعد الانتخابات

.

لا في وسائل الاعلام ولا في الواقع حتي

.

( خلاااااااص)

.

ولما قولتله ايه أول حاجه هتعملها

.

قالي

.

( مفيش انا منصب صوري بس )

.

( قولنا خلااااص )

.

لا وايه قاللي

.

(مسؤليتي اني انظم العيال في طوابير )

.

استشهد بقول عائشه حسن مالك

.

وقد بدي عليها علامات الحزن

.

بسبب ندمها علي ترشيحها لاخوها بقولها

.

( دا رئيس علي نفسه )
.
. ( انا ما بوقعش ما بينهم ولا حاجه ) .
.

.
.
أقول لك كما قال أحد الخلفاء لوليه يحاسبه

.

( كثر شاكوك وقل شاكروك فاما اعتدلت
.
واما اعتزلت ) .
.


.
وأقول لك ناصحا

.

( هات خمسه جنيه ومش هتشوف وشي تاني )

.
إحم إحم

.
احمد عصااام

------
الرساله مرفق معها ورقه بيضاء لكتابه الاستقاله
.
عليها

.
او ممكن تعملها ظرف وتحط فيه الخمسه جنيه

.
والسلام عليكم ورحمه الله
---------------------
شرف العمل الصحفي :ـ

.
الرساله لا تمس شخصيه انس مالك

.
ولكن نحو غد مشرق لرابطه اطفال من اجل الحريه

.
وعفوا مره اخري سيدي الرئيس

.
ولكن هذا لا يخفي حسنات الرئيس

.

الذي كان علي رأسها السجود لله شكرا بعد هذا
.
الفوز
.
الساحق .

13 comments:

Anonymous said...

التدوينة جمييلة

هيه الدنيا كده يا أنس

بس لسه فى فرصة ادامه لو عرف يعمل كام حاجة الايام الجاية ويشغل الرابطة ويجمع الرعية حواليه
هما اللى هيتمسكوا بيه
اما لو مقدرش..

ففى احتمال وارد بقيام انقلاب
او بتسليم السلطة بشكل سلمى

احنا ملناش دعوة يا ريس
احنا معاك للنهاية
ولو خمسة جنيه فعلا
الموضوع هيفرق كتير

Saad El-Shater said...

مدونة افضح
---

لقد ارسلت لكم ايميل لاضافة مدوناتي

واعرض عليكم المشاركه والمساعده

Saad El-Shater said...

الفجريه
---
احنا مع الي يدفع اكتر

واظن ان الموضوع لازم يمشي بشكل سلمي

والا هيبقي هناك خسائر كبيره

---
انا عندي اقتراح لو هوا مش عايز يدفع

ممكن يستعين بعاطف الحسيني

:)

Anonymous said...

ايه ده

ياعمي

انا مش هاسيبكو

انا عايز 5 جنيه انا كمان

والا هعمل انقلاب

:)

AbdElRaHmaN Ayyash said...

ههههههههههههههههه
ماشي يا سعد
قريتها يا سيدي اهه و علقت
بس و الله جامده
حرام عليكم الواد يابني

Saad El-Shater said...

اسلام
---
هوا يدينا بس
واحنا نتقاسمها

Saad El-Shater said...

عياش باشا
---
يابني انا مابانزلش حاجه وحشه

اوعي رجلك
;)

اسماء العريــان said...

غدا الاثنين 3 سبتمر
استئناف قرار الحبس بالتجديد 15 يوم لمجموعة الدكتور عصام العريان ومن معه

فى محكمة شمال القاهرة بالعباسية

الساعة 10 صباحا

ارجو ممن يريد التضامن معنا ان ياتى

شهاب الأزهر said...

لا يا سعادة الريس.. اوعى تسيبها.. افتح البلكون بتاع فخامتك واسمع نبض الشارع، اسمع هتافات جماهير الأطفال تطالب ببقائك، اسمع قلوب الجماهير وهيا بتهتف لك يا سعادة الريس.

هههههههه

الله يجازي شيطانك يا سعد.. ليه بس تولع الدنيا كده؟!؟! عموما الخبر وصل لأشبالي، وإذا كانوا غابوا عن الانتخابات المرة اللي فاتت.. فهما أكيد لو حصل انتخابات هييجوا بالباصات، واللي يدفع أكتر يضمن نجاحا ساحقا؛ فهم على قلب رجل واحد.

هههههه

يلاّ يا أنس .. ولا يهمك .. أشبالي قاعدين يكتبوا الهتافات، أقول لك طرف منها:

"أنس مالك يا بلاش.. أمين غيره ما يلزمناش"

"أنس مالك احنا وراك.. في الخير كله احنا معاك"

"سعد يا شاطر اطلع منها.. أنس مالك هوّا أمينها"

"يا اللي تعيب في أمين الرابطة.. كل محاولة هتصبح حابطة"

"يا اللي نفسه يعيب في أمينّا.. ابعد عنا ابعد عنا.. يا للي نفسه يوقع بينا.. أنس مالك هوّا أمينا".

Saad El-Shater said...

اسماء
--
اسف لانشغالي الشديد

وان شاء الله نحن معكم بالدعاء

Saad El-Shater said...

شهاب
--
اخ منك يا شهاب

سيبنا ياعمي ناخد الخمسه جنيه

ماتحرضش الواد علينا

وليك مني لو اداني

يبقي النص بالنص
:)

Anonymous said...

كل التحية والتماني لخيرت الشاطر بالحرية مع اني شخصيا مختلفة جداااا مع الاخوان واحب اقول اني اخر مرة سمعت فيها الرئيس مبرووك اصدي مبارك بيتكلم حسيت اني في بلد رئيسها محمد سعد

Saad El-Shater said...

اخت مجهوله
---
جزاك الله خيرا

وارجو ان لا تشتمي محمد سعد

لانه كده بيمثل

اما مبرووك صاحبنا مابيمثلش