ابي ان كنت في اعين الناس اسيراً ... فأنت الحر في عيني

المدونة تعبر عن رأيي الشخصي
سعد الشاطر

Tuesday, September 11, 2007

اهلاً رمضان




 

كل عام وانتم بخيير


 

واعاد الله عليكم شهر رمضان بالخير واليمن والبركات


 

وجعله الله شهر فرج لنا ولمصر ولأمتنا جميعا

------------------------------


 

اليوم : اول يوم من شهر رمضان المبارك


 

المكان : البيت


 

الميعاد : وقت الافطار


 

المناسبة : العيلة متجمعة علشان تفطر مع بعض


 

يتجمع جميع افراد العائلة للافطار


 

وبعد جلوس الجميع


 

اكتشفوا انه هناك فردا ينقصهم


 

هذا الفرد هو اهم فرد من الذين يجب ان يحضروا


 

يألهي .. الن يأتي؟!!


 

الم يكن حاضراً معنا في اول يوم في رمضان الماضي؟؟!!


 

هل سيأتي ياتري؟؟؟


 

هل سيفطر معنا في هذا الشهر يا تري؟؟؟


 

ياتري ما هو حاله الآن وهو يفطر اول يوم في رمضان بعيدا عن اهله؟؟


 

بل وهو في سجن اعتقل فيه ظلما وزوراً


 

فليتخيل كل قارئ الآن يقرأ هذه الكلمات نفسه


 

وهو بعيدا عن احب الناس اليه في اول ايام هذا الشهر المبارك


 

وهو محروم منه في حين ان كل الناس حوله ينعمون


 

بالفطور مع من يحبون في هذا اليوم


 

لا اقول لكم لا تهنئوا هذا اليوم بالفطور


 

ولكنني اطلب ان تتذكروا ان هناك اناس


 

حرموا من ابائهم وازواجهم وذويهم


 

يريدون دعواتكم في مثل هذا الموقف


 

لا تنسونا من صالح الدعاء عند الافطار


 

حسبنا الله ونعم الوكيل

13 comments:

همسة قلم said...

نعم اخى اتخيل لأن ابي الحبيب لن يكون معنا على مائدة الافطار

هو ليس بمغيب خلف القضبان مع احبته
ولكنه تحت التراب مع احباب اخرين أسأل الله تعالى ان يرحمه ويجعله رفيق الانبياء والشهداء

ونسأله تعالى ان يعجل بفك اسر ابائنا من خلف القضبان لتنعموا وينعموا بوجودهم معكم

نسأل الله ان يفك اسرهم جميعا ومن قلوبنا نسأله تعالى ان يجمع بينكم وبينهم على خير

همسة قلم said...

نسيت اقولك

كل عام وانتم الى الله اقرب وعلى طاعته ادوم

وكل عام وانتم وعمو خيرت وكل الاخوان بألف خير

إيمــــان ســعد said...

ثبتكم الله يا سعد

:)

و عسى ان تكرهوا شيئا و يجعل الله فيه خيرا كثيرا

و رمضان كريم

Anonymous said...

اول مرة اشعر ان اطرافي مبتورةواني احتقر نفسي عندما قرات كلماتك ولا اقول اني حزينة ولكن قلبي يقطر دما
احنا والله اللي مفترض نكون ورا القضبان لاننا
بضعفنا وجبننا وخيبتنا
احنا سجنا نفسنا وسجنا للاسف اباك
سعد ممكن تقبل اعذاري لاني مش قادرة اعمل اي حاااااجة
بس هتلاقي منين اعذار لسبعين مليون مواطن
سجنوا اخواتهم
وقاعدين يتفرجوا علي مسلسلات ..واللي بيدور علي قميص يشتريه
واللي بتور علي عريس تتجوزه وعايشين حياتهم..ممكن تقبل اعذارهم؟؟؟؟ اختك المجهولة سابقا والمبتورة حاليا

Saad El-Shater said...

همسة قلم
---
اولا اسف ان انا قد جرحت مشاعرك بكلماتي

ولكن اعلمي انك مأجورة باذن الله وان الله يبتليك لانه يحبك

ولكن ابوك ان شاء الله في مكان عظييم

----------
وانت بالف صحة وسلامه

وربنا يجعل هذا الشهر شهر فرج

علينا وعلي مصر جميعا

Saad El-Shater said...

ايمان
--
جزاك الله خيرا

وكل سنة وانت بخيير

Saad El-Shater said...

المجوله
---
اولا
لا تقولي علي نفسك ذلك

عافاك الله

--
ثانيا

جزاك الله خيرا علي مشاعرك الجميلة

وواله هم السبعيين مليون ما بأيديهم حاجة يعملوها

Anonymous said...

من رائعة الأستاذ مختار نوح "يعنى إيه كلمة سجين"


يعنى ييجى شهر صومنا
وكرسى بابا...يبقى فاضى ع الفطار
يعنى رغم المغربية
لسه صومنا له أذان
منتظر ييجى النهار
إحنا نفطر...لما نور الشمس يطلع
وقتها هندوق حلاوة...
من ليالى الصمت...والصبر الطوال
وقتها ندعى الدعا...
لما هيروح الظمأ
والعروق تتبل بالماء الزلال
عندنا للصوم معانى
والتلذذ لما اعانى
يعنى اصبر عالمشاعر
واحتمل حمل الجبال
يعنى أسعد باختيارى
وارتدى ثوب الرجال
يعنى ان القلب مش لازم ينام
يعنى ان الفجر ثمنه مش كلام
عندنا للصوم معانى
لما ليل الظلم يشتد فى بيوتنا
يلقى منا بيوت أغانى
لونها أبيض
زى بكره
الصيام له معنى غالى
الصيام له معنى عالى
وخلى كرسى بابا فاضى..وهبقى راضى
ان وقت الفطر لينا
يبقى فى العام الجديد
حتى ليلة القدر..والعيد السعيد
كلهم يستنوا عالباب الحديد
لما وحده ينفتح..أو يوم يزول
لما نور الصبح يطلع
بعد لما تزول يا خوف
لما سور السجن يسقط من الكسوف
لما نلقى
طاقة السجن الحزينة
تنتفض والناس تشوف
وقتها هيكون لصومنا
ألف معنى من معانى الافتخار
وأبقى عارف ان فخرى من صناعتك
وابقى وارث.. رغم إنك لسه حى

Saad El-Shater said...

الفجرية
--
ربنا معانا

ويجعل كل لحظه تمر من غير اباءنا مايبقوا معانا لعنة علي الظالمين

alqassam said...

كل عام وانتم بخير

وكل سنة وانت طيب

القسام

Saad El-Shater said...

القسام
--
وانت بالصحة والسلامه

وربنا يفرج كربنا كلنا وكرب مصر يارب

ra7il said...

اولا كل سنه وانت طيب
ثانيا ربنا يفك اسر باباك واخوانه من المجاهدين انا بحب اقول عليهم كده لانهم فعلا مجاهدين في سبيل الله اولا ثم في سبيل الوطن وربنا يرجعهم لاهلهم سالمين ويشجع باقي الشعب علي الجهاد

Saad El-Shater said...

رحيل
--

وانت بالصحة والسلامة

وتقبل الله منك وفك اسر جميع المجاهدين ان شاء الله