ابي ان كنت في اعين الناس اسيراً ... فأنت الحر في عيني

المدونة تعبر عن رأيي الشخصي
سعد الشاطر

Sunday, September 16, 2007

كلام في كلام



 

البوست ده هكتب فيه حاجات كتير غير بعض


 

اول حاجه


 

بمناسبة رمضان اكرر


 

كل سنه وانتو طيبين


 

ويارب يعود عليكوا الايام بخيير يارب


 

تاني حاجه


 

في قضية اكياس الدم بتاعة شركة هايدلينا


 

بتاعة هاني سرور


 

هوا ليه عملو كده في الراجل بتاعهم؟؟


 

يمكن بيضحوا بيه؟


 

المهم ان مفيش حد كتب واتكلم وعمل ضجة


 

ولا انتوا تفضلوا تقولوا هاني سرور واكياس الدم والظلم


 

ادي الراجل اتحبس ... شوفتوا العدل

;)


 

تالت حاجة


 

افطار الاخوان خلاص بخ


 

والواحد صراحة اترحم من حاجه صعبه اوي


 

وهيا اننا كل افطار كنت دايما اروح مع ابي


 

وكنت باروح معاه


 

اما الافطار ده كنت هاروح بصفتي ابن معتقل

L

واحب اقول دا نظام مابيكسفش انه يمنع الافطار


 

وحسبنا الله ونعم الوكيل


 

رابع حاجة


 


 

سمعنا كتيير عن ان الشعب المصري عنده سلبية اوي


 

فحبيت اجيبلكوا النكته اللي قاليتهالي اختي


 

بيقول مره اتنين مسئولين


 

واحد بيراهن علي ان الشعب المصري


 

لو عملتلوا ايه مش هايتحرك


 

والتاني بيقول لا ده هيثور لو اي حاجه مش عاجباه


 

فحبوا انهم يعرفوا مين اللي صح


 

فقالوا هيبنوا كوبري


 

وياخدوا من كل اللي يطلع عليه اتنين جنيه


 

فلاقوا ان الكوبري زحمة وماحدش بيقول تلت التلاته كام


 

فالراجل قال ايه ده معقوله


 

فرد عليه المسئول الاخر وقال انت لسه ماشوفتش حاجه


 

فزودوا الفلوس لخمسه جنيه


 

وبرضه لا حياة لمن تنادي


 

فقاموا قالوا طيب كل اللي هيطلع علي الكوبري


 

هيدفع خمسه جنيه


 

وهياخد علي قفاه


 

تاني يوم لقوا اتنين واقفين رافعين اديهم


 

فالمسئول قال مش قولتلك


 

فقال الراجل الاولاني


 

انا بقترح انكوا تزودوا اللي بيضربوا شوية


 

علشان مانقفش كتيير


 

والتاني قال انا عديت امبارح وماضربتش


 

اخيراً


 

انا بفكر نعمل فوازير علي النت


 

يعني مثلا نقول كل يوم سؤال


 

والناس تجاوب عليه في التعليقات


 

بس نوحد الاسئلة


 

ايه رأيكوا؟


 

15 comments:

Anonymous said...

حلوة الفزورة دي جدا لية عملوا في الراجل بتاعهم كده
ناس قاعدة مع بعض علي ترابيزة
كل مرة يقلبوا الترابيزة علي واحد منهم
والامثلة كتتتتتتتتتتتتتتتتتتتير كان فيه واحد اسمه ....طايل عملوا معاه نفس العملة
والامانة يعني
الراجل بيقول
لاكان عارف ان الاكياس
فاسدة ولا يعرف انها غير معقمة تقريبا كان فاكرها اكياس طماطم
يللا سياسة منايفة الهم اني صائمة

ياسر مدني ...دينامو الإخوان said...

أدعوك كما أدعو كل الزوار للمشاركه في فوازير رمضان ..ول زال هناك فرصهللإجابه علي الأسئله إللي فاتت

وكل فزوره أدامك تجاوب عليها لمده عش أيام ويارب تلحق

إيمــــان ســعد said...

ما دامت ح نقضيها فوازير

فانا باقولك مقدما

عروستي يا سعد

:)

Anas Emad said...

نكتة جااامده يا سعد

و كل سعد و انت
طيب

و شكرا علي التاج اللي اتعبت

بخصوص الفوازير انا مش حببها خالص ..

يعني فوازير في المفسديون و الدش

و مسابقات في المساجد و الكليات

و كمان علي النت

مش كفاية بقي..

انا زهقت يا شباب ..

Saad El-Shater said...

المجهولة
--
يا مسهل والترابيزه تتقلب عليهم كلهم

وبعدين بلاش تجيبي شبهه للمنيفه دول فيهم ناس كويسين

Saad El-Shater said...

ياسر
--
ان شاء الله اشارك

وانت طلعت عامل الفكرة بتاعتي

:)

Saad El-Shater said...

ايمان
--
واحده بتدرس فلسلفه



عروستي

Saad El-Shater said...

انس
--
وانت طيب ياباشا

والفوازير خلاص بلاش

علشان خاطرك

Anonymous said...

فكره ظريفه من شخصيه خفيفه
ودي فرصه نضيفه وحاجه فظيعه
وسير علي بركه الله ( تنفع سجع برضه )
ممكن اول سؤال :_
ايه اللي محببك في الاخوان
دي حته خطيره
(احمد عصاام)

Anonymous said...

انا عايزة اعرف
هوصحيح ان الامن منع برقيات التهاني برمضان توصل من داخل الحبس؟؟؟ياخبرك اسود يا ابو جيمي دا شغل منايفة ولا يهود طب ابعتلك فزورة تتسلي بيها في اواخر ايامك الطويلة ..واحد يشبهلك كتير محطة المترو بتعته علي اسمك هو فضل يحكم مصر67سنة وانت يادوب مكملتش 30ونقله تمثاله مش عارفة ودوه فين المهم ان نهايته كانت يعني..
ربنا يكفيك شر البحر والغرق.......

Anonymous said...

سعد انا سمعت ان فيه جلسة بكرة يوم 22 وانا مكنتش عارفة ليه المحاكمة عسكرية مش مدنية
بس دلوقتي ربنا فتح عليا وفهمت
ولا اقول لك الا ثبتك الله وحفظك ويا رب يقر عينيك باباك وهو يجلس يفطر معاكم باذن الله وربنا يوفقك يا
باش مهندس

الحرية لأمير بسام said...

أنا هعلق على الشعب المصرى إللى مهما إتعمل فيه صابر محتسب (ماشاء الله إيمانياته عالية) وده على فكرة من أيام الفراعنة بس أكيدالصبر له نهاية ويارب تكون قريبة

Saad El-Shater said...

احمد باشا
--
ربنا يخليك علي الكلام الجامد ده

وبلاش الارهاب ده ياعم

Saad El-Shater said...

المجهولة
--
للاسف تم منع بعضها
--
للاسف المحاكم عسكرية لانهم فشلوا في السيطرة علي المحاكم المدنيه

وذلك بعد الاربع قرارات افراج التي حصلنا عليها


ثانيا

للاسف لم نفطر معهم وهل يرضي القاضي ذو القلب الميت

حسبنا الله ونعم الوكيل

Saad El-Shater said...

اولاد الدكتور امير
--
ان شاء الله هيثور الشعب عن قريب

يامسهل