ابي ان كنت في اعين الناس اسيراً ... فأنت الحر في عيني

المدونة تعبر عن رأيي الشخصي
سعد الشاطر

Tuesday, October 9, 2007

ومن اظلم ممن منع مساجد الله ان يذكر فيها اسمه وسعي في خرابها


بالأمس فوجئت ان شيخ الازهر


قد قام بالتعديل في المناهج الازهرية


والغاء تدريس المذاهب الاربعة بالازهر


وما يسمي بالفقه المقارن


اللي كان اجانب كتييير من بلاد كتيير


بيجوا مصر هنا علشان يدرسوا المذاهب الاربعة


وبعدين كلنا نعرف ان الدولة اللي تتبع نظام المذهب الواحد هيا السعودية


والغاء تدريس المذاهب الاربعة


واختيار كل طالب مذهب ليدرسة


هذا يعني الدعوة الي التعصب


وعدم الوسطية


يعني شيخ الازهر كبر في السن


مش يبدأ في اصلاح الازهر

لأ لازم يسيب عمل ينفعه في القبر
واصلا امريكا معترضه علي نظام التعليم الازهري
بدعوي تنشئة الارهاب
وازدواجية التعليم بمصر
يعني هما بينفذو تعليماااات
وبياخدونا خطوة خطوة
وعلشان كده تلاقي المسئولين لما بيدخلوا المساجد
بيكونوا خايفين وفي حراسة مشدده
زي ما جاء في القرآن
قال تعالى "وَمَنْ أَظْلَمُ مِمَّن مَّنَعَ مَسَاجِدَ اللّهِ أَن يُذْكَرَ فِيهَا اسْمُهُ وَسَعَى فِي خَرَابِهَا أُوْلَـئِكَ مَا كَانَ لَهُمْ أَن يَدْخُلُوهَا إِلاَّ [خَآئِفِينَ لهُمْ فِي الدُّنْيَا خِزْيٌ وَلَهُمْ فِي الآخِرَةِ عَذَابٌ عَظِيمٌ " [البقرة :114
ان شاء الله الخزي قريب
وحسبنا الله ونعم الوكيل

10 comments:

انا مش معاهم said...

بص ياعم سعد الكلام دا بجد
مؤامره مدبره
سواء كانوا يقصدون از لا يقصدون
ولكن طبعا في ناس بتخطط وتدبر
ولا انت مش معاي

Anonymous said...

طب انا ممكن اسال سوال هي دراسة المذاهب الاربعة فرض ؟
طالب العلم ممكن يدرس ما يريده وليس شرط الازهر
وبعدين الازهر وعن تجربة شخصية المفروض ان يلغوه اساسا
لان ابسط حاجة تتقال عن المناهج انها متخلفة متغيرتش من 80 سنه تعليم جامد مفيهوش اي تطوير وحدث ولا حرج عن شيوخ الازهر مفيش واحد فيهم قرا حديث
كلمة حق عند سلطان جائر من الجهاديعني الغرب سبقينا ب100 سنه ضوئية واحنا لسة في احكام الوضوء

Unknown said...

اقل حاجه تتقال عن الموضوع ده انه قلة ادب و تهريج
و عيب ان يتسكت عليه

Saad El-Shater said...

سيف
--
انا طبعا معاك
وهي مؤامره دي اكييد

--
المهم انت الشبشب بصباع مريحك؟؟؟
:)

Saad El-Shater said...

المجهولة
--
لا طبعا مش فرض
بس لما الطالب يدرس الاربع مذاهب
بيتعلم الوسطية والاعتدال
اما اقصار مذهب واحد ليدرسه
فده معناه انه هيتبعه ويكون متعصب ليه


تاني حاجه
تمام ان النظام الازهري سيئ جدا
بس الحل اننا ندرس تعليم امريكاني يدعوا الي الانحراف

ولا الصح اننا نعدل ونصلح الاخطاء اللي فيه
بحيث يكون تعليم يجمع بين التقدم والعلم الذي هو فريضه ايضا
وبين الدين وعلوم الاسلام

Saad El-Shater said...

ايمي
--
علي رأي احد المعلقين علي فتوي شيخ الازهر بانه يجب جلد الصحفيين

رد احدهم وقال اذا كان الامر بيدي لجلدته انا

لكن الشعب وللاسف حتي لو لغوا الازهر اساسا
لن يتحرك ولن يثور وهم يراهنون علي ذلك للاسف

انا مش معاهم said...

كل سنه وانت طيب ياعم سعد
انت وكل عائله الشاطر ربنا
يخرجهولكوا بالسلامه هو واللي زيه
طبعا دا بمناسبه العيد
اه في حاجه
لما شفت كلامك عن نفسك وانت بتفول انهم قبضواعلي ابوك وانت كنت نايم
والله افتكرت نفس الموقف اللي
حصل معاي لما قبضوا علي ابويا
كنت لسه راجع من اسيوط
اصل انا بدرس هناك
ولقيتهم الساعه3الفجر في دوشه صحيت
ببص لقيت 25واحد في الشقه
وانا علي السرير رحت ضاحك
وقولتلهم
انتوا جيتوا حسبي الله ونعم الوكيل
وكل سنه وانت طيب يا حبيبي

ومضات .. أحمد الجعلى said...

بعيدا عن الموضوع المكتوب

انا بس حبيت أقول لك كل عام وانتم بخير والى الله اقرب

ليكن العيد اول فتوحك
وتباشير فجرك
واشراق صبحك
وبداية مولدك
وعنوان توبتك
واحذر..
فان اهمال ساعة يفسد عبادة سنة

تقبل الله منا ومنك
--

وبخصوص دعوتك لنا ان ندعو على الظالمين فلقد دعوناهم حتى ارهقناهم بالدعاء وهذا ظننا بربنا أن يجيب دعاء المظلوم وان ينتقم من الظالمين وشهداء الزور شر انتقام ليكونوا لمن خلفهم آية

Saad El-Shater said...

سيف
--
وانت بالصحة والسلامه

وربنا يتقبل منك

وربنا يرينا فيهم ايه

Saad El-Shater said...

احمد
--
وانت بخيير يا احمد

وربنا يخلي العيد ده اخر عيد لوالدي في السجن ان شاء الله

--
ربنا يكرمك ويتقبل دعائك يا رب