ابي ان كنت في اعين الناس اسيراً ... فأنت الحر في عيني

المدونة تعبر عن رأيي الشخصي
سعد الشاطر

Friday, November 9, 2007

قعدتوا ليه ... روحروا اتنيلوا



لما المعلق قدم الماتش وقال
وقد قام السيد الرئيس بالحضور بنفسه والسيده قرينته

انا قلت يا دي النيله خسرانين ان شاء الله
والدستور في نفس اليوم كان كاتب
الشعب المصري وسط الغرقي

والغلاء والسحابة السوداء

ينتظر الكائن الوحيد اللي بيفرحه

راحت الست قالت ازاي لازم الشعب مايفرحش

قوم البس ياريس يللا نروح الماتش

ازاي الشعب يفرح

راحوا الاتنين حضروا وكمان جابوا نظيف وطنطاوي
يعني الموضوع كان باين من الاول
الاهلي هيخسر

وفعلا خسر الاهلي خساره مدويه

-3\1

وحزن واتنكد الشعب المصري

يارب عليك بمبارك والمدام والعيال

وانزل عليهم كوره كبيرة اد الجبل وهما نايمين النهارده

علي دماغهم علشان حرقوا دمي
ودم كل الاهلاوية

ودم كل المصريين

11 comments:

فزلوكة said...

أنا مشوفتش الماتش منعا لحرقة الدم
ومحاولتش أعرف النتيجة منعاللمضايقة
بس عرفتها وأنا بتفرج على التلفزيون من تعليقات الجماهير المتخانقة
بس بتهيألى هما خسروا عشان جمال مرحش إنت عارف ده بركة وواصل ربنا يخده
زهراء

صانعة الحرية said...

السلام عليكم
انا اول مره اسمع الماتش بره البيت كان امبارح
اول مره احس بالخوف كان امبارح
اول لما شفت سعادته والمودام قلت خلصت
وبعدين ظننت بربنا خير وقلت لا ان شاء الله ربنا مش هينيم الشيخ بو تريكه والاهلاويه كلهم زعلانين بذنوب صاحبنا
ولكن ليقضى الله امرا كان مفعولا
دخل فينا اول جون
وقعدنا ندعى
اول لما دخلنا التعادل فوجئت بزغاريد
وبعد كده سر سعادته كان باتع
وقضى الله امرا كان مفعولا

جزاك الله خيرا

Saad El-Shater said...
This comment has been removed by the author.
Anonymous said...

يارب يحرقهلم دمهم زي ما حارقين دمنا

Anonymous said...

الريس ده خنقنا قوي
وخلاص طفح الكيل
يارب خلصنا منه

الـفجـريـــة said...

هوه انا مبشجعش أوى
بس متابعة
انا اتبسطت شوية ان الاهلى مفازش مع ان اخر عهدى بالكورة كنت اهلاوية شوية
بس اتبسطت عشان قلت
كل حاجة فى مصر ثابتة
ريس ثابت
ورئيس وزرا ثابت
وظلم ثابت
ونادى بيفوز ثابت

قلت لأ يتغير بأه

واول معرفت انه هيشرف
قلت بس خلصت
بيحاولوا فى ايه أصلا


وانزل عليهم كوره كبيرة اد الجبل وهما نايمين النهارده

:1
الدعوة دى جميلة جداا

ومضات .. أحمد الجعلى said...

لازم تفكرنا يا سعد بالسيرة دى

برغم حزنى على الماتش طبعا فى ساعتها مش لغاية دلوقتى

إلا ان بارقة الفرح اللى كانت جوايا كانت بسبب إنى كنت متأكد ان الشعب تلقائيا سينسب الهزيمة لأحد الحضور بعينه، وبالتالى سيزداد له حبا على حب
وعاش الزعيم

(-:

Unknown said...

أدعوك للمشاركة في الحملة ضد جريدة المصري اليوم

زوروا مدونة مظلومين للتعرف على الحملة وأسبابها وأهدافها

كن إيجابيًا وشارك وقل
لا للكذب والتلفيق

مالك مصطفى

شهاب الأزهر said...

لم أر الماتش ولله الحمد، زعلت أول ما قالوا الأهلي خسر، وفرحت شوية لما عرف أن العيلة المالكة كانت حاضرة

وضحكت بشدة عندما قرأت تدوينتك

بارك الله في يا سعد

خالد أبوالفضل said...

ويعيد التاريخ نفسه
وبنفس التفاصيل المملة السخيفة
وبنفس البواخة تدور عجلة الزمان
ويأبي التعيس (أو ما يسمونه الرئيس) إلا أن يذكرنا بمهزلته وفضيحته منذ عامين حين حضر وبكل دم بارد مبارة مصر النهائية في كأس الأمم الأفريقية وفي نفس الوقت الذي يبلع فيه البحر أرواح ألف ومائتين وأحلام عشرات الألوف من أبناء مصر الكادحين
وبعدها بعامين يحضر نفس التعيس (قلتلكو أو ما يسمونه التعيس)
وبكل دم بارد مباراة الأهلي النهائية والبحر المتوسط يبلع أرواح مائة وستين وأحلام الألوف من ورائهم

حقا .. لكم نحن بحاجة إلي تبني حملة نخبوية شعبية تحمل عنوان
سيادة الرئيس .. رجاءا اقعد اتفرج علي الماتشات في بيتكو لحسن العملية قلبت بجد

هييييييييييييييييه .. دنيا

Saad El-Shater said...

زهراء
--
دي فعلا نقطه مهمة كنت ناسيها
الله يسامحه انه ماحاضرش

صانعة الحرية
---
سبحان الله اذا حضرت الشياطين انصرفت الملائكة
ابو تريكه والشيخ اسامه كله قدامه مانفعش
:(

استاذ مجهول
---
ياسلام.... ياااااااااااااااااااااااااارب

سمير
--
امييييييييييييييييييييييين


الفجرية
--
ياسلام كله يتغير بس الاهلي هيفضل البطل
isa
لا ان شاء الله الدعاء ده هيستجاب قريب لأني دعيتوا وانا متوضي
:)

احمد الجعلي
---
هوا يحاول التقرب الي الشعب باي وسيلة
بس ربنا ماحدش بيضحك عليه


مظلومين
--
كنت بافكر اعمل كده بس لقيت اني ماباشتريهاش الا نادرا

شهاب
--
ربنا يخليك

انت عارف هوا طلع حلو كده علشان كتبته وانا متضايق

خالد
---
ضراحة هوا ماعندوش دم بس يعني هيا جت علي دي
الراجل مش فارقه معاه اي حاجه

في حالة الحامله دي انا مستعد اعملوا فريق كامل وقناه رياضية بس هوا يقعد في بيتهم