مش عارف انا ايه اللي حاصلي اليومين دول
حاجه غريبه
واحساس غريب
حاسس علي طول اني مخنوق
مضايق
مش عارف من ايه
ايه الجديد اللي يخليني كده
حاسس ان الدنيا ضيقه من حوليا
وبحاول انسي الموضوع
بس
مش بقدر
حاسس ان فيه حاجه خانقاني في رقبتي
لما ببقي مشغول بنسي الموضوع
ولما افضي ولو لدقيقتين
احس بالاكتئاب
المفروض ان فرح اختي يوم الاربع اللي جاي
ومفروض ابقي فرحان
بس مش عارف ليه مش فرحان
واخيرااا
انا مخنووووووووووووووووووووووووووووق
ادعولي بقي
---------------------
تحديث
لازم تتفرجوا علي الفيديو ده
علشان ده مناسب للتدوينه دي
33 comments:
lamma tkon enta ma7'no2 ana a3mele eh ????
rabena yshfeek ya sa3d
يا حمساوي ربنا معانا احنا الاتنين
فرج الله كربك وازاح همك
اما انتوا اللي اتنين مخنوقين امال انا اعمل ايه .
اتصل بالسكرتيره علي الخط الساخن اربعه اصفار صفرين اتنين)
والحريه للج
احمد عصاام
اميين يا بيدو
وربنا يكرمك
احمد
اتصلت فقالي هذا الرقم غير موجود بالخدمه
فقلت خالص خالص؟؟
انا كنت ناوى اتخصص اشعة وافتح مركز سلسبيل للاشعة
بس دلوقتى انا شايف انه بسعد وعبدالرحمن واحمد عصام
ممكن يبقو بداية كويسة لمصحة نفسية
وطبعا هيبقى اسمها صهلبيل
ربنا يهديكو انتو لسة رحتوا فين ؟
خليتو ايه للعواجيز اللى زينا!!
فرج الله كربك يا سعد
بس لو سمحت لا تظهر خنقتك للعروسة
بل ادفن ضيقك وتفنن في اظهار فرحتك لها
لا تترك لها لحظة تتذكر فيها غياب الوالد الحنون
اجعل من نفسك مصدر يفجر البهجة داخل المنزل حتي تأخذ بيد اختك الي عريسها
اخي سعد
ضع نفسك مكان والدك وتصرف كما كان سيتصرف
1000000000000 مبروك يا حبيبي
وعقبال فرحتنا بخروج الباشمهندس واخوانه
وعقبال فرحتنا بجوازك انت
يا دكتور محمد ياريت تتخصص بسرعه
وهتلاقي زباين كتيير
كل العسكريه تقريبا
مخنوقيين
والله يا اخ سامح بحاول
والله يبارك فييك
ربنا يفرجها يا عم سعد ان شاء الله الوالد يخرج بالسلامة وربنا يفرج عنة وعن باقى المتقلين الشرفاء
ودى ان شاء الله اول الافراح
اخوك القسام
ربنا يفك كربك ويسعدك وسخرجلك والدك ان شاء الله
مممم
شوف يا سعد
بما ان اللى بتكلمك واحدة شافت كتير ايام خنقة فى حياتها
:)
طبعا كنت باحب اصلى ركعتين كده بليل و ممكن اعيط شوية و اشتكي لربنا كل اللى خانقني
فيه حاجة تانية
ايه اكتر حاجة بتحب تعملها
اعملها
عن نفسي بحب انزل فى الشوارع عندنا فى المعادي و امشى فى شوارع معينة ولو كانت الدنيا حر اوى من اى كولدير و ارش مياه ساقعه على نفسي و اشترى شيكولاته و ايس كريم و اكلها
طبعا ح تقول ايه نظام العيال ده
بس صدقنى اوقات الواحد بيضطر يتعامل مع نفسه زى الطفل الصغير لان كتير النفس مش بتستحمل النصائح و الكلام المنطقي خصوصا فى اوقات الضيق .. تحس انك عايز حد يطبطب عليك و خلاص
هناك فرق كبير اوى بين المفروض اللى يكون و بين الموجود فعلا يا سعد
:)
بعد كده ممكن تجيب ورقة و تكتب اللى انت متضايق منه و بعدين تقطع الورقة او تولعها
و توعد نفسك انك تديها هدنة من كل اللى قارفها لحد ماتهدي و تقدر تناقش معاها كل اللى مضايقها بطريقة عقلانية و توصل لحلول عملية
ده بالنسبة للحاجات اللى فى اديك انك تصلحها
لكن الاشياء الخارجة عن ارادتك
فعليك بالدعاء
اللهم اسألك صبرا جميلا عند مواطن الجزع
:) بحب الدعاء ده
المهم مش تضغط على نفسك
:)
و معلش على الرغي الكتير
تحياتي
اخ القسام
اميين
ويارب تتوالي الفراح يارب
اخت اسماء
اميين
جزاك الله خيرا
اخت ايمان
اولا جزاك الله خيرا علي هذه النصائح
وسأحاول جاهدا فعل ذلك
وان شاء الله تدعولي كتيير
والله الدنيا مشاكل
واذا نظرت الى سبب خنقتك والى سبب خنقه الناس التانيين هتقول انا خنقتى احسن من خنقه ناس كتير
وعلى فكره انا حاسه ان كل الشعب المصرى مخنوق يعنى مش انت لوحدك
والف مبروك لساره وحاول انك علطول تبتسم لان هذه الايام صعبه على ساره
نيره عصام عبد المحسن
لا يابطل شد حيلك
كلها ايام وهتكون اخو العروسة ولازم تكون معنوايتك هناك فى السما
فرج الله همك وازاح غمك ويسر لكم كل الامور يا آل الشاطر
اخت نيره
والله عندك حق احنا نعتبر في نعمه بالنسبه لناس كتيير
والله يبارك فييك
وان شاء الله احاول
والحمد لله علي كل حال
احمد
ادعيلي كتيير
وربنا يفرحنا جميعا بخروج جميع المعتقلين
سعد باشا الشاطر...
هو انا مش عارف اقول إيه في أول تعليق ...
هو الوضع يخنق وإبن ستين في سبعين..
إنما قليل من الخنقة لا تضر...
إنت بس متخدش على صدرك وانفخ !!
وليك رب إسمه الكريم
اخ محمد
الدنيا دار كد وتعب
يارب ياكريم اكرمنا
وربنا يكرمك يا محمد يارب
عزيزي سعد
لا مكان في حياتنا للأكتئاب
نحن المتفائلون دوما بفرج الله
أي الفريقين أحق بالأمن ؟ انهم الذين أمنوا ولم يلبسوا ايمانهم بظلم
نعم افخر بأبيك وبدعوتك
وارفع رأسك فانت الان رمز لجيل قادم
جيل عاشق لمصر يبذل حياته كلها فداء للفكرة وتضحية للمبدأ
الله معنا وهل هناك أقوي من الله؟؟
الدنيا كلها تنظر الينا الأن وتقول
هؤلاء الذين صدقوا الله
هؤلء نداء الفجر وبريقه
هولأء هم أمل الأمة
كن مثل أبيك الحبيب
صامد في كل حال
راسخ مثل الجبال
عاشق لحن النضال
فارس ربي الرجال
حبيبي سعد غدا نفرح ونفرح ويوم الاربعاء ندور حول العروسين ونبارك لهما
ونرسل رسالة الي الطغاة
أننا قادرون علي الفرح رغم كل شيء
نعم يا سعد رغم كل شيء
الواحد اتخنق من الخنقة دي
فكروا رباط الجرافت شوية
بجد فعلا والله الواحد مخنوق
من ايه الله اعلم بايني كده اتهبلت
بس الهبل مش بيتخنقوا
المهم
ربنا يفرج كربنا جميعا يارب
وبالله عليك توصلت تهنئتي لعائشة لاني مش هقدر اجي لظروف السفر
وسلمنا لعمو خيرت
وسلام اخوات المنصورة الي مش هيعرفوا يجوا زي حالاتي
ربنا يفرج كربنا جميعا
ويزح همنا ويزيل ماغمنا اللهم امين
معلش ياسعد دماغي كان في عائشة
اقصد عروستنا سارة
ربنا يباركلهم ويجمع بينهم علي خير يارب
its because you are losing at FIFA 2007
ندعوكم للمشاركة بإستطلاع مدونة
وطـــــــــني
هل تؤمن بوجود فتنة طائفية بمصر؟
دكتور النجار
والله نحن نؤمن بالله والمل فيه
بس انا بقول
انه احساس بداخلي احاول التغلب عليه
وادعو لنا كثيرا
اخت اخوانيه
الاول انا مابلبس جرافتات الا قليل جدا
:)
ثانيا ان شاء الله هوصل لساره المباركه
ولابي
والله يبارك فييك
استاذ مجهول
:)
انت عبدو شوشه
:)
او عباده العريس
لانكوا انت الاتنين الي شوفتوني بلعب fifa
لاني ملعبتهاش غير قدامكم
:)
بس لو عبدو شوشه
ليه مادخلتش باسمك الجديد
:)
اخ وطني
ان شاء الله نشارك
الواحد مش عارف يقول ايه؟
لاحول ولا قوة الا بالله
اقول ايه؟
مش لاقى حاجة اقولها من كتر ما اتقال فى العالم الحلاليف دى اللى مش بتحس
ربنا يكسحهم بقى ويقشهم وينضف البلد من امثالهم خلى الناس تعيش
ماكنتش متوقع ان الشر غول للدرجة دى
بس لازم اقول حاجة ع الاقل...زاد الفساد ...فتحوا البلاد...لطوب الارض
ربنا يفك اسر والدك المهندس خيرت ويجعل اعتقاله وهو مظلوم جهاد فى سبيل الله والحق وبراءة الانسانية
Post a Comment