ربـنـا يبـعـد عـنـك الأشــرار ويجعل لك فـي كـل خطـوة دولار
ويبـعـد عـنــك أولاد الإيـــه و لا يخيـبـك خـيـبـة الجـنـيـه
ويجعـل أعمالـك كلهـا حسـنـات ويكفيـك شـر شهـادة المخالـفـات
ويحـوش عنـك كــل الـشـرور ويكفيـك شـر كمـيـن الـمـرور
ويكـون لـك دايمـاً فـي الـعـون ويكفيـك شـر فاتـورة التليـفـون
ويجعـل لـك كـل النـاس حبايـب ويكفيـك شـر بتـوع الضـرايـب
ولا يجـعـل عيـالـك محـرومـة ولا يخيـبـك خيـبـة الحـكـومـة
ويجعـل أصحابـك كلهـم إخـلاص ويكفيك شـر سواقيـن الميكروبـاص
ويحميـك يابـنـي مــن إبلـيـس ويكفيك شر سواقين الجيش والبوليـس
وينـور لـك طريقـك بالبـركـات ويكفيـك شـر الحفـر والمطـبـات
بدعيلـك وبـدعـي لـكـل أولادي يكفيكـم شـر الركـود الإقتصـادي
ويكتـر فــي جيوبـكـم النقـديـة ويرحمكم من شر الدروس الخصوصية
ولا يحرمكـم مـن أكــل الـفـول ولا يخرب بيتكم بفواتيـر المحمـول
5 comments:
كنت امبارح عند أخ ووالدتو قالتلي إنها كانت بتكشف عند أخ دكتور وبتدعيلوا بتقولوا
ربنا مايوقفك قدام الحاكم الظالم
قالها لسه جاي أول امبارح ياحاجة
السلام عليكم
دعاء جميل ومثالى وبالطريقة بتاعتنا جامد
بس يا ريت تسمحلى بنشر الدعاء الجامد طحن ده على مدونتى مستنى ردك علشان انشره
والسلام
ســـيف الإســـــــلام
سيف
--
وعليكم السلام ورحمة الله وبركاتة
شكرا علي مرورك
والمدونة مدونتك ياباشا
ويشرفني انك تحط الدعاء عندك طبعا
ازيك يا باشا واحشني خالص
تصدق هوا دا الدعاء الرسمي في مصر
السلام عليكم
اول مقات الدعاء ده على طول قلت يبا انا اكيد فى مصر لان محدش يدعى الدعاء ده غير واحد بيحب مصر
بارك الله فيك اخى الحبيب
واختيارك للبوستات فوق الرائع
جزيت الجنه
Post a Comment