ابي ان كنت في اعين الناس اسيراً ... فأنت الحر في عيني

المدونة تعبر عن رأيي الشخصي
سعد الشاطر

Wednesday, July 4, 2007

الاهلي كسب ... عقبالك ياشعب




الاهلي كسب في يوم كان كل الشعب بيتفرج عليه





بمختلف انتماءاته السياسه





جمعهم حبهم لكرة القدم





وتشجيعهم لقطبي كرة القدم المصريه





بس في حاجه لازم الناس تعرفها





وهي ان





الاهلي والزمالك في تنافسهم علي الكأس





يعتبر تنافساً شريفا





ويسمي صراعاً تنافسياً





ومعناه ان يكون الطرفين في الصراع متكافئان





اي مثلا





الاهلي له جهاز فني محترف





ولاعبين محترفين





والزمالك يملك ايضا هو الاخر يملك نفس المقومات التي يمتلكها الاهلي


وبالتالي فاننا قبل بداية المباراة لا نستطيع ان نحكم من الفائز ومن الخاسر




وبعد المباراة فاننا نكن التقدير والاحترام للطرفين الخاسر والفائز




اما عندما تذهب للتنافس الصفري


وهو ان يكون احد الطرفين يملك جميع الوسائل التي يستطيع بها تدمير الطرف الاخر


من جيش وشرطه وامن مركزي زقوات لمكافحة الشعب"الطرف الاخر" ..... عندها




قبل بداية المباراة نقول ان هناك فائز يجب ان يفوز ولكنه فوز غير مشروع


ولا يستحق الطرف الفائز اي تقدير وتحيه




وهذا مايفعله النظام في مصر


علي عكس ماتفعله الانديه الكرويه




واخيرا مبروك للاهلي


ونحيي الزمالك


ونحيي شعب مصر


ونقول عقبالك ياشعب تكسب زي الاهلي في صراع تنافسي




وعايزينكوا ساعتها كله يشجع

ومتنسوش التدوينه دي

....................................
انا نقلت لكم تعليق فاروتا المصري علي التدوينه دي
وهو

الاهلى يفوز على الزمالك
يامصر يابلدى عقبالك
لما يفرجوا عن الشاطر ومالك
لما يفرجوا عن ولادك وعيالك
لما يبطلوا سرقه فى اموالك
لما يخلونا نشوف احوالك
ونرجعلك تانى جمالك
ونشيل على اكتافنا احمالك
فاروتا عيل يامصر من عيالك
نفسه يشيل عنك يامصر احمالك
ويهد بيها يابلدى جبالك
........

11 comments:

Saad El-Shater said...

ايه رأيكو ان الدنيا عند النظام
ليست مباراه
ولكنها تنافس غير شرسف من طرف واحد
بسبب فساد النظام

ومضات .. أحمد الجعلى said...

فعلا الموضوع اشبه بمباراة كرة، ولكن النظام المستبد وحده هو من يضع قوانينها وضوابطها، وللسخرية يخترق كل هذه الضوابط والقوانين التى وضعها ولا يعبأ بها ولا يبالى لها.
النظام المستبد هو الخصم والحكم فى المباراة ومن أسف شديد فى غياب الجمهور الذى كره هذه اللعبة بهذه الطريقة التى يلعب بها النظام، فاستفرد النظام بسلطاته وجبروته بمن ظنه ينافسه، هذا فقط لان المنافس طلب احترام قوانين اللعبة وظل فى الملعب رافضا تركه كباقى الفرق وكباقى الجمهور إلا القليل منهم.

دعواتنا وقلوبنا معكم يا سعد ويعلم الله أن دعاؤنا لوالدكم الكريم وكل الغخوان المعتقلين متواصل عقب صلواتنا وسجودنا.

اول تعليق لى على مدونتكم الكريمة ولكنها بالتاكيد لم تكن اول زيارة

tamooh said...

فرج الله عن كل المعتقلين..

وثبتكم الله واعانكم

نتابع المدونتان بإذن الله

m_elmenofy said...

تدوينة حلوة بجد
يارب يكون حياتنا فيها نسبة من نزاهة المبارة ديه ...بس يارب يقل عدد المشجعين او المتفرجين الكتير اوى دول و نتحول كلنا للاعبين
ربنا يثبتكم و يجمعكم باحبابكم و احبابنا فى اقرب وقت

Saad El-Shater said...

والله يا اخ احمد جزاك الله خيرا
وجعله الله في ميزان حسناتكم

Saad El-Shater said...

جعلنا الله عند حسن ظنكم اخت طموحه

Saad El-Shater said...

يارب اخ محمد وربنا يفك كرب كل الشعب

فاروتا المصرى said...

الاهلى يفوز على الزمالك
يامصر يابلدى عقبالك
لما يفرجوا عن الشاطر ومالك
لما يفرجوا عن ولادك وعيالك
لما يبطلوا سرقه فى اموالك
لما يخلونا نشوف احوالك
ونرجعلك تانى جمالك
ونشيل على اكتافنا احمالك


فاروتا عيل يامصر من عيالك
نفسه يشيل عنك يامصر احمالك
ويهد بيها يابلدى جبالك

محمد أسامة رسلان said...

الصبر والأمل والتفاؤل جاب النصر للأهلي

يبقى نتحلى بالصبر والأمل والتفاؤل

:) وإن شاء الله هنجيب في الحكومة 3 اجوان ولا حاجة

تدوينة جميلة يا سعد ربنا يبارك فيك

Saad El-Shater said...

الاول يا احمد الشعر جامد وهنزله علشان كل الناس تشوفوا

Saad El-Shater said...

ثانيا
نعم اخ محمد
وربنا يكرمك
وان شاء الله نجيب 100 جون

:)