انا عايز اعرف هوا الناس راحت فيين؟؟
كنا زمان بنلاقي ناس كتيير بتدون
ناس كتيير بتعلق علي التدوينات
اما دلوقتي
كل لما ادخل علي مدونة الاقي محدش حدث من اكتر من اسبوع
بنسيب التدوينه بالايام
بنلاقي تعليق ولا اتنين
هوا الناس طغي عليها جانب السلبيه كمان في التدوين؟؟
لا يا جماعة صحصحوا شويا معانا
كل واحد يبقي كده ايجابي
مش يقرأ وسلامو عليكوا
واللي عنده مدونات ياريت يفيدنا ومايسبناش نتحرم منه كتيير
والمهم ده رأيي
23 comments:
السلام عليكم
ازيك يا عم الحاج سعد
اخبارك ايه
عندك حق الناس تحس انهم بقوا سلبيين
يدخلوا يبصوا على المدونه والسلام
ولا حد بيعلق ولا حد بيسال
حتى اصحاب المدونات بقى التدوين بطئ
كل اسبوع لما تلاقى بوست جديد
ان شاء الله عايزين نقودا حمله لتصحيح الاوضاع
والسلام امانه الوالد
اخوك احمد فاروق
اجازة بقى يا اخ سعد والناس مش فاضية قبل كدة كان كل واحد بيهرب من الكتاب ويقعد يدون انما دلوقتى الناس هتدون ليه ؟ ما هو مفيش حاجة تهرب منها
يللا حسبى الله ونعم الوكيل فى حط نظام الدراسة فى كليات الطب
اهم حاجة كمل انت وملكش دعوة بحد
والله يا احمد انا بخيير الحمد لله
وان شاء الله نوصل السلامه للوالد
وبعدين يلا نبدأ الحمله من الان
اخ محمد هيا الاجازه مفرود تخلي الناس تتفرغ للتدوين
وبعدين احنا عايزين تشجيع
بيصيفوا يا سعد :)
اتصدق عندك حق
بس في منهم ناس كاتبه
تضامنا معكم مش هنصيف السنه دي
البركه فيك يا ابن الشاطر
البركه فينا كلنا
لازم نشد حيلنا شويه
ونقضي علي السلبيه جوانا
ماشى يا سيدى
انت بتطلب منا الإيجابية
بس خد بالك
احنا كمان لازم نشوف منك نشاط
يعنى انا مثلا شوفت مدونتك فى البوست بتاعك
فلو حضرتك تجولت فى المدونات و سيبت بصمتك فيها حتجبر الجميع على انهم يروحولك وبكده تبقى اتحركت واتنشطت والكل عرف مدونتك
ولو بعدها حسيت بالخمول من المدونين يبقى انت عملت اللى عليك وهم الغلطانين
سلام يا باشا
السلام عليكم
=============================
يا ريت تشيل الكلمة التأكيدية ملهاش لزمة
السلام عليكم
ايه يا مؤمن براحه علينا شويه
وبعدين انا بقول كده لينا كلنا
وبعدين انا ماقولتش ان انا ملاك
:)
صح
يعنى انا نفسى تركت المدونة بلا تحديث لمدة اسبوع تقريبا بسبب ضغط الوقت
واوقات اشعر انى اذا كتبت الان هكون غير موفقة
لكن اكتشفت ان الموضوع محتاج جدية اكتر من كده
مش هفرض على نفسى اكتب
لكن احاول اكون جادة فى الموضوع قدر الامكان
سواء فى مدونتى او الزيايرت والتعليقات
هيا فعلا واضحة الحكاية دي..في مدونين كتيييييييييير ..أوي بدأو يهبطوا ...وياخدوا نفسهم جامد
.....
ألف مبروك عل المدونة
خلاص كلنا نجتهد علي ان نكون في تميز مستمر
بلال
الله يبارك فييك
وادعولنا كتيير
والله الناس ماتفتكرنيش سايب التدوين
بس انا عايز الموضوع ده كل الناس تقرأه
والله انا شايفة الموضوع موضوع كسل مش اكتر
فى نظام غبى فى ترك التعليقات بيخلى الواحد يكسل يعمل ساين ان علشان يسيب تعليق
المهم يا سيدى ادينا اهو بنعلق وبالعربى كمان مبسوط؟؟
وماتنساش تشيل الكلمة التاكيدية الرخمة اللى تحت
هوا انا شوفت
ان الموضوع مش عندي بس
ده في مدونات كتيير
فكتبت عنه
وبعدين هيا الناس هتبطل الكسل امتي
حتي علي النت كسلانين
وبعدين كنت مفروض تكتبي التعليق بالانجليش علشان الناس تفهم
:)
السلا م عليكم
ازيك يا سعد با شا
ك م جميل يا محترم ربنا يزيدك ويعزك ويفك اسر الجميع
تحيا تى
وعليكم السلام
ربنا يكرمك
وتحياتي لك
هو فعلا الموضوع ده كتر قوي ومابقاش في تفاعل وده ممكن يرجع لضيق الوقت او الانشغال
مدونة جميلة يا سعد
اول مرة اشوفها
مبروك عليها
الله يبارك فييك يا ميدو
بص بقى ياسيدي بمناسبة التفاعل
عايزك تشوف الفيديو ده على اليوتيوب وتقوللي رايك عن الحرية معناها بالنسبة ليك ايه
http://www.youtube.com/watch?v=ca1QpApnmoI
او على المدونة في البوست ده
http://medomagdy.blogspot.com/2007/07/what-does-freedom-mean-to-you.html
روح بقى ياسيدي واتفاعل براحتك
سلاااااام
ميدو كليب رائع
وانا رأيي ان الحريه تمثل
لي هدفاً وغايه
وامنيه
Post a Comment